Norentzat da?

Beren izenean Itsasoko Gizarte Institutuari zuzendutako idazki, eskaera edo komunikazioak aurkeztu nahi dituztenei, identifikazio digitaleko bitartekorik ez duten salbuespenezko kasuetan, baldin eta bulego batera joan ezin badira izapidea modu presentzialean egitera.

Zer ahalbidetzen du?

• Dokumentazioa eranstea.

Zer behar da hori gauzatzeko?

• Dokumentazioa eranstea baimentzen duen softwarea edukitzea.

Kontuan hartu beharrekoak

Izapideak egiteko probintziak adierazten du Itsasoko Gizarte Institutuaren Probintzia Zuzendaritza, zeinetara bidali nahi duzun dokumentazioa.

Konexio-saioa aldi baterako mugatuta dago, eta, beraz, eskaera bete bitartean iraungitzen bada, berriz hasi beharko duzu eta egiteke dituzun jarduketak amaitu beharko dituzu.

Bete itzazu web-formularioko eremu guztiak:

• NAN/AIZ
• Izen-abizenak.
• Ziurtatu behar duzu zure telefono-zenbakia eta helbide elektronikoa behar bezala betetzen dituzula, zurekin harremanetan jartzeko eta zure eskaerarekin edo komunikazioarekin sortzen den edozein gorabehera kudeatzeko.
• Jakinarazpenaren hartzailea: Itsasoko Gizarte Institutua.
• Izapideko probintzia: adierazi zure bizilekuko IGIren Probintzia Zuzendaritza.
• Aukeratu zure eskaeran edo jakinarazpenean aipatzen den gaia.
• Idatzi eskaera edo jakinarazpena.
• Atxiki egiaztatzeko agiriak (gehienez 10Mb). Inprimaki eta eredu ofizialak esteka honen bidez eskura daitezke. Dokumentazioa behar bezala atxikitzen bada, taula bat agertuko da prozesua % 100ean burutu dela adierazteko.
• Garrantzitsua: Eskaera bat egiten baduzu, ez ahaztu zure NANaren edo identifikazio-agiriaren kopia bidaltzea.
• Erantzun segurtasun-galderari eta sakatu “Jarraitu”. Prozesua behar bezala burutzen bada, ohar bat agertuko da pantailaren goiko aldean.

Gomendioak:

• Mesedez, bidali zure eskaerari buruzko dokumentazio guztia bidalketa bakarrean, zure eskaeraren izapidea errazteko.
• Mesedez, ez egin zure eskaeraren egoerari buruzko kontsultarik kanal honen bidez. Gure langileak zurekin jarriko dira harremanetan egiaztapenen bat edo bestelako dokumentaziorik behar badute.
  
• Eskaerak eta jakinarazpenak aurkezteko ezohiko bide honek behar bezala funtziona dezan,  ezinbestekoa da zure laguntza eta zerbitzu publikoak zentzuz erabiltzea. Mila esker zure laguntzagatik.

Erantsiko den dokumentazioak ezin du guztira 10 Mb baino gehiago izan.

Hurrengo urratsak

Egiaztagiririk gabeko zerbitzua erabiliz gero, ez da zure eskaera edo jakinarazpenaren frogagiririk sortuko, eta zure eskaera ez da Erregistro elektronikoan barne hartuko. Jakinarazpen hau hautatu duzun Zuzendaritza Probintzialera iritsiko da eta bertan kudeatuko dute ezartzen zaion lehentasunaren arabera. Zurekin harremanetan jarriko gara zure nortasuna egiaztatzeko, bidalitako datuak eta dokumentazioa egiaztatzeko edo, hala badagokio, dokumentazio gehigarria eskatzeko.

Ez baduzu baieztapen mezurik edo, behar denean, transmisioaren errore edo akats mezurik jasotzen, aurkezpena beste une batean edo beste bide batzuk erabiliz gauzatu beharko duzu.