• Hasiera

Galdera Ohikoenak

1. . Nori zuzenduta dago?

   Gizarte Segurantzarekin internet bidez harremanak izan behar edo nahi dituzten herritar eta enpresei.

2. . Zer da Gizarte Segurantzaren Egoitza Elektronikoa?

   Hiritarrek eta enpresek Internet bidez Gizarte Segurantzarekiko izapideak egin ahal izateko helbide elektronikoa da; betiere, horien titulartasuna, kudeaketa eta administrazioa erabat Gizarte Segurantzari dagokionean, administrazio organo edo erakundeak bere eskumenen baitan diharduela.

3. . Zein zerbitzu edo izapide erabili ditzaket?

   Profilaren arabera, (herritarra, enpresa) eta Gizarte Segurantzako afiliazio erregimenaren arabera, aukera izango da dokumentuak aurkezteko Erregistro Elektronikoan, Jakinarazpen Telematikoak jasotzeko, Ziurtagiri digitalak lortzeko eta lehen aurrez aurre egin behar ziren hainbat zerbitzu erabiltzeko.

4. . Segurua al da Egoitzako zerbitzuak erabiltzea?

   Herritarraren/enpresaren eta Egoitzaren arteko komunikazioa segurua da. Informazio guztia zifratuta bidaltzen da, eta Ziurtagiri elektronikoek bi aldeen nortasuna bermatzen dute. Internet bidez bidaltzen diren datu pertsonalak zifratuta daude, eta Gizarte Segurantzaren sistemetan gordetzen direnean, beharrezko baliabide guztiak erabiltzen dira datuok babesteko, Datu Pertsonalak Babesteko Lege Organikoarekin eta haren garapen araudiarekin bat eginik.

5. . Noiz erabili dezaket Egoitza Elektronikoa?

   Eguneko 24 orduetan eta urteko 365 egunetan Egoitzara sartu eta izapideak gauzatzeko aukera izango duzu. Garrantzitsua da, epeak aintzat hartu beharreko izapideen kasuan, egun baliogabeetan egindakoak hurrengo lehen egun baliodunean egindakotzat ulertuko direla.
   
   *Litekeena da egoitzaren zenbait zerbitzu ez erabilgarri egotea ordu jakin batzuetan, mantenu teknikoa dela medio.

6. . Zein data eta ordu hartzen dira erreferentzia bezala epeak kontatzeko?

   Dokumentazioa aurkeztea eskatzen duen edozein izapideren epeak zenbatzeko, Egoitzaren data eta ordu ofiziala izango da legezko balioa izango duena eta ez hura egiteko erabiltzen den ekipamenduarena. Ondorio horietarako, izapidearen amaierakoa izango da kontuan, herritarrak eskaera edota dokumentuak sinatu eta dagokion frogagiria jasotzen duenean.

   
   "Data eta Ordu ofiziala" atalera sar zaitezke Egoitza Elektronikoaren orrialde nagusiko azpiko menutik.

7. . Egoitzan egiten diren izapideek eta aurrez aurre egindakoek balio bera al dute?

   Bai, Egoitza Elektronikoaren bitartez egindako izapideek eta aurrez aurre egindakoek balio bera dute.

8. . Nola eduki dezaket egoitzaren nobedadeen berri?

   Nabigatzailera gehitu daiteke Gizarte Segurantzaren Egoitza Elektronikoko RSS Nobedadeak iturria. (Izena emateko, sakatu "Iturrian izena eman" botoia). RSS sistemari (Rich Site Summary / Really Simple Syndication) esker, Gizarte Segurantzaren Egoitza Elektronikoan argitaratutako informazioa jasoko duzu, erraz eta doan.

9. . Zer da Eskaeren Erregistro Elektronikoa?

   Gizarte Segurantzaren Eskaeren Erregistro Elektronikoa indarreko ebazpenaren I. eranskinean xehatzen diren izapide eta prozedurekin loturiko eskaerak aurkezteko baino ez dago erabilgarri, baldin eta eskaerok Gizarte Segurantza osatzen duten erakundeei zuzenduta badaude.

10. . Nola sar naiteke Erregistro Elektronikoaren bitartez egin daitezkeen izapideetan?

    Eskaerak elektronikoki aurkezteko aukera ematen duten izapide guztiak “Herritarrak” eta “Enpresak” ataletan daude kokaturik, horietako bakoitzean dauden kategoria ezberdinen barruan. Logo bereizgarri batekin nabarmentzen dira. 
     

    

    Deskribapenak, halaber, aurkezpena egiteko beharrezko informazioa dakar. Araudia eta Legedia / Erregistro Elektronikoari dagokion Araudia atalean argitaratutako Ebazpenaren Eranskinean topatuko duzu Erregistro Elektronikoaren bitartez aurkez daitezkeen izapideen zerrenda.

11. . Nola jakin dezaket Gizarte Segurantzarekin ditudan kotizazioak?

    Kotizazio erregimenaren arabera, bi zerbitzu eskaintzen dizkizugu epe jakin batean ordaindu dituzun kotizazio-oinarriak/kuotak zehazten dituen txostena lortu ahal izateko.

    • Kotizazio-oinarriei buruzko txostena, Gizarte Segurantzako Sistema osatzen duten erregimenetan alta emanda egon zaren likidazio-epeei dagozkiena.
    • Ordaindutako Oinarri eta Kuoten Txostena Erregimen edo/eta Sistema Berezietan ordainduak,  non langileak dirua sartzeko pertsona arduradun diren.

    
    Ziurtagiri digitalik gabe sartzen baldin bazara, eskaera-inprimaki bat bete ahalko duzu. Modu horretan, txostena posta helbidez bidaliko zaizu Gizarte Segurantzako Diruzaintza Nagusiko oinarrian agertzen den helbidera.

12. . Zer da sinadura elektronikoa?

    Sinadura elektronikoa elkarren artean elektronikoki gordetako datu multzoa da, eta sinatzailea identifikatzeko balio du. Karaktere multzo bat da, algoritmo matematiko batez sortua, eta kode pribatua eta sinatu nahi den testuaren aztarna digitala aldagai gisa erabilita sortzen da, sinatzailearen nortasuna eta mezuaren osotasuna ziurtatzeko.

13. . Gizarte Segurantzak igorritako zein dokumentu egiazta daitezke sinadurak eta ziurtagiriak Egiaztatzeko zerbitzuaren bidez?

    Sinadura eta ziurtagiriak egiaztatzeko zerbitzuak Gizarte Segurantzak sinatzen dituen PDF ezberdinak baliozkotu ditzake, TRACI@ss zerbitzuaren bitartez, Gizarte Segurantzako Jakinarazpen Telematikoen bidez (NOTESS) edo PDF sinadura igortzen duen beste edozein bide erabiliz, betiere, PDFSignature estandarraren araberako sinadurak baldin badira. Gainera, beste dokumentu batzuk baliozkotu ditzake formatu bitarrean eta XML formatuan, betiere, CAdES estandarrak betetzen baldin badira.

14. . Gizarte Segurantzak igorritako zein PDF dokumentu egiaztatu daitezke Hatz-marka bidez txostenak egiaztatzeko zerbitzuarekin?

    Oraingoz, Gizarte Segurantzaren betebeharrak eguneratuta izatearen ziurtagiria bakarrik.

15. . Zer da CEA kodea eta nola egiaztatu dezaket dokumentu baten egiazkotasuna kode hori erabilita?

    CEA Egiazkotasun Kode Elektronikoa da, eta Gizarte Segurantzak igorritako dokumentuen egiazkotasuna ziurtatzeko balio du. Dokumentuen egiazkotasuna ziurtatzeko, Dokumentuen osotasuna egiaztatzeko zerbitzua erabili daiteke. Horretarako, Dokumentuaren Egiaztatze Kodea, CEA kodea sortu zen data eta haren gainontzeko taldeak txertatu beharko dira, ziurtagiri digitalik izan beharrik gabe.

16. . Zergatik ezin ditzaket SMS zerbitzuak erabili?

    Zerbitzu horietan sartu ahal izateko ezinbestekoa da aldez aurretik Gizarte Segurantzako Diruzaintza Nagusiari jakinarazpenetarako telefono mugikorraren zenbaki bat eman izana. Horretarako, Telefonoa eta helbide elektronikoa jakinaraztea zerbitzua erabil dezakezu edo Gizarte Segurantzaren Administrazio. batera zuzen zaitezke.

    
    Horrez gain, baimentzeko inprimakian eskatzen diren datuak Gizarte Segurantzaren Datu Basean daudenekin bat etorri behar dira, eta gainerako baldintza teknikoak bete.

17. . Lan-bizitzaren txostena ziurtagiri digitalik gabe eskatzerakoan zergatik ez dut nire helbidean jasotzen?

    Eskaera egiten duzunean erreferentzia-zenbaki bat sortzen da, txostenaren egoera zein den jakiteko gorde egin behar duzuna. Txosten hori  "Txostenen eskaeren egoera kontsultatzea" atalean sartuz kontsulta dezakezu, zure identifikazio-datuak eta erreferentzia-zenbakia adieraziz.

    
    Zerbitzu honekin lan-bizitzaren bidalketa burutu den ala ez adieraziko da. Bidalketa ez egitearen arrazoia da eskaeran helarazitako helbidea ez datorrela bat Gizarte Segurantzako datu-baseetan dagoenarekin (segurtasun-arrazoiak direla medio, bidalketa ez da egiten). Hori konpontzeko administrazio batera bertaratu eta helbidearen datuak eguneratu beharko dituzu.

    
    Gainera, txosten hau eskaera egiten den une berean eskuratu, inprimatu edota kontsulta dezakezu. Horretarako, ziurtagiri digitala erabiliz, SMS bidez sartu beharko zara, aldez aurretik Gizarte Segurantzako Diruzaintza Nagusiari zure telefono mugikorraren zenbakia eman badiozu edo  Erabiltzaile/pasahitza- Cl@ve iraunkorra bidez sartu beharko zara, erabiltzailea aktibatuta eta pasahitza sortuta baldin badituzu. Horretarako, Aktibazio Kode bat izan beharko duzu, eremu nazionaleko Gizarte Segurantzaren bulego batera bertaratuta eskuratzen dena.

18. . Autonomo gisa alta/baja eman al dezaket?

    Egoitza Elektronikoan langile autonomoen Erregimen Berezian alta edo baja emateko zein datuak aldatzeko eskaerak egin daitezke.

    • RETAn alta ematea
    • RETAn baja ematea
    • Identifikazio-datuen aldaketa

     

19. . Nola jakin dezaket izapide bat behar bezala burutu den edo ez?

    Behin izapidea eginda, erabiltzaileak erregistro-zenbaki bat eta data bat eskuratuko ditu pantailan, eta atxikitako dokumentazio bat. Dokumentazio hori PDF bat izango da, eskaeraren frogagiriarekin eta transakzioa behar bezala egin dela bermatzen duen zerbitzariaren sinadurarekin. Mezu hori posta elektronikoz ere bidaliko zaizu emandako helbidera. Berrespen mezua jasotzen ez baduzu edo errore bat gertatu dela dioen mezu bat jasotzen baduzu, izapidea beste momentu batean edo bestelako baliabideak erabilita egin beharko duzu.

20. . Etxeko langilearen alta/baja eman edo datuak aldatu al ditzaket?

    Bai, bi izapide beharko dira.

    •  Enpresariaren inskripzioa.
    • Alta/baja edo langileen datuak aldatzea.

    Erantsi beharreko dokumentuak eta prozedura zerbitzuen atalean ikusi ahalko duzu. Inprimakiak bete eta erantsi egin behar dira. Inprimakiaren PDF fitxategia gordetzean gerta daitezkeen arazoak atal honetako "Galdera Teknikoetan" kontsultatzea gomendatzen da.

21. . Egoitzan SILCON ziurtagiriaren desagerpenari buruzko

    2016ko irailaren 17tik aurrera, Egoitzako zerbitzuak SILCON ziurtagiriaren bidez atzitzeko aukera kenduko da. Egoitzako zerbitzuak atzitzeko, aukeran dauden beste moduak erabili ahalko dira. Ziurtagiri digitalei buruzko informazioa kontsulta dezakezu Gizarte Segurantzak emandako edo Erakunde Ziurtagiri-Emaile batek emandako eta Gizarte Segurantzak onartutako ziurtagiriak zeintzuk diren jakiteko, baita Onartutako ziurtagirien zerrenda ikusi ere.

    RED sistemaren erabiltzailea bazara, kontsultatu Wegunean dagoen informazioa.

22. . Zein konfigurazio izan behar dute nire ordenagailuak Egoitzaren zerbitzuak erabili ahal izateko?

    Konfigurazioa eta baldintza teknikoak zerbitzuaren araberakoak dira, eta desberdinak izango dira ziurtagiri digitala izan edo ez, baita zerbitzuetara sartzeko erabiltzen duzun plataforma teknologikoaren arabera ere. Informazio zehatza lortu dezakezu Baldintza Teknikoen atalean.

23. . Nola konfiguratu behar dut nire ordenagailua?

    Hurrengo galderetan irakurri ditzakezu Egoitza erabiltzeko behar diren elementuak konfiguratzeko jarraitu behar dituzun urratsak.

24. . Nola egiaztatu dezaket nire ordenagailuko Sistema Eragilea? Eta Java bertsioa?

    Ordenagailuan instalatuta duzun sistema eragilea edo Java bertsioak zeintzuk diren ez badakizu, Sinadura elektronikoa erabiltzeko nabigatzaileen konfigurazioaren gidaliburura jo dezakezu. ”ORDENAGAILUAN INSTALATUTAKO SISTEMA ERAGILEA EZAGUTU” eta “ORDENAGAILUAN INSTALATUTAKO JAVA BERTSIOA EZAGUTU” ataletan.

25. . Mozilla Firefox-ek konexioa egiaztatuta ez dagoela dioen mezua agertzen zait

    Arazo honen konponbidea hemen ikus dezakezu: Sinadura elektronikoa erabiltzeko nabigatzaileen konfigurazioaren gidaliburua, Mozilla Firefox-entzako ”Webgune honetaz fidatu” atalean.

26. . Ziurtagiri bat baino gehiago ditut instalatuta, baina aplikaziotik irten eta berriz sartzerakoan, beti aukeratzen ditu ziurtagiri beraren datuak, hau da, erabili dudan lehenengoarenak.

    Ziurtagiriak nabigatzaileen saioan gordeta gelditzen dira aplikazioetatik irteterakoan, beraz, saioaren datuak ezabatu eta beste ziurtagiri batekin sartu ahal izateko, nabigatzailearen leiho guztiak itxi eta berriro ireki beharko dituzu.

27. . Zein software behar dut Egoitza Elektronikora sartu eta bertan sinatu ahal izateko?

    Sinaduraren prozesura sartzeko behar bezala konfiguratutako Java ingurune bakar bat instalatzea beharrezkoa da. Egiaztatu, gainera, ingurune bat baino gehiago instalatuta ez daudela, izan ere, bertsio desberdinen artean arazoak egon daitezke eta baliteke aplikazioak horregatik ez funtzionatzea. Kontsultatu baldintza teknikoen atala.

28. . Arazoak ditut sinatzerako orduan

    Sinatzerako orduan arazoak badituzu, lehenik eta behin softwarearen baldintza teknikoak betetzen dituzula ziurtatu beharko duzu. Ondoren, ikus ezazu Sinadura elektronikoa erabiltzeko nabigatzaileen konfigurazioaren gidaliburua, hemen, beharrezkoa den konfigurazioa eta sinadura arazo ohikoenak azaltzen dira.

29. . Arazoak Google Chrome-rekin sinatzeko orduan

    Google Chrome-n, honen 45. bertsiotik aurrera, 2015eko irailaren 1ean atera zena, ezin da Java osagarria gaitu. Beraz, Java behar duten Gizarte Segurantzaren Egoitza Elektrikoko web zerbitzuak nabigatzaile horrekin ezin izango dira erabili.

    Google Chrome-ren 42, 43 edo 44 bertsioa erabiltzen ari bazara, Java funtzioa gaitu beharko duzu Java beharrezkoa duten Gizarte Segurantzaren zerbitzuak erabili ahal izateko. Dokumentu hau jarrai dezakezu horretatako: Java gaitzea Google Chrome-ren 42, 43 eta 44 bertsioetan.

30. . Nire DNI elektronikoarekin sartzen saiatu naiz, baina zerbitzua erabiltzeko Gizarte Segurantzak onartzen duen ziurtagiri bat erabili behar dudala esaten dit ohar batek.

    Horren arrazoia NANe-ren kontrolatzaileak behar bezala instalatuta ez izatea izan daiteke. Hori gertatuz gero, joan www.dnielectronico.es webgunera eta jarraitu instalazioari buruzko argibideak.

31. . Zer da ziurtagiri digitala?

    Erabiltzailearen Ziurtagiria dokumentu digitala da eta, besteak beste, subjektu edo erakunde bat identifikatzeko datuak biltzen ditu. Hala, Ziurtagiri digitalari esker, Interneten norbere burua identifikatzea eta beste pertsonekin informazioa trukatzea posible da, informazio hori erabiltzaileak eta hartzaileak bakarrik ikusiko dutela jakinda.

32. . Zein ziurtagiri mota daude?

    Eskatzaile motaren arabera, bi mota daude:

    • Erabiltzailearen edo pertsona fisikoaren ziurtagiriak.
    • Pertsona Juridikoaren edo Erakundearen ziurtagiriak.

    Igorlearen arabera:

    • NAN-e - Poliziaren Zuzendaritza Nagusiak igorria.
    • FNMT-RCM - Diruaren eta Zerga Zigiluaren Fabrika Nazionala-Monetaren Errege Etxeak igorritakoak.
    • Beste batzuk - Onartutako beste erakunde ziurtatzaileek igorriak.
33. . Zer da erakunde ziurtatzaile bat?

    Erakunde Ziurtatzailea (AC; ingelesez CA) jakinarazpen baten igorlea eta hartzailearen konfiantzazko erakundea da. Bi aldeek 'hirugarren alde fidagarri' horrengan ipintzen duten konfiantzari esker, Erakunde Ziurtatzaileak sinatutako dokumentuez ere fidatzen dira bi alde horiek, bereziki bi aldeak identifikatzen dituzten ziurtagiriei esker.

34. . Zer da Pertsona Fisikoen ziurtagiria?

    Pertsona fisiko bati igorritako ziurtagiria da (erabiltzaile ziurtagiria izenaz ere ezaguna), eta sinatzaileari nortasun datu batzuk eta sinadura bat esleitzen dizkio. Pertsona fisikoaren kodeak izenpetu, sinatu, eskatu eta babesten ditu.

35. . Zer da Pertsona Juridiko edo erakundeen ziurtagiria?

    Erakunde juridiko bati igorritako ziurtagiri digitala da. Pertsona juridiko horrek administrazio publikoarekin edo bere ohiko esparruan ondasunak edo zerbitzuak kontratatzerakoan sortzen diren harremanetan erabili ahalko da.

36. . Zer da ERROKO ziurtagiria?

    Erroko ziurtagiria Erakunde Ziurtatzaileak bere buruarentzako igortzen duen ziurtagiria da. Ziurtagiri horretan agertzen da Erakunde Ziurtatzailearen kode publikoa; hortaz, erakunde horrek igorritako ziurtagiri ororen benetakotasuna egiaztatzeko beharrezkoa da. Konfiantza katearen jatorrian dagoen ziurtagiria da.

37. . Zer da ACGISS-ren erroko ziurtagiria?

    Gizarte Segurantzaren erakunde ziurtatzailearen erroko ziurtagiria da, eta egoitza erabili nahi duen edozein pertsona edo erakunderen nabigatzaile/javan instalatu behar da (ez da beharrezkoa zerbitzu guztietan).

38. . Zer da FNMT-RCMren erroko ziurtagiria?

    Diruaren eta Zerga-zigiluaren Fabrika Nazionalaren erakunde ziurtatzailearen erroko ziurtagiria nabigatzaileetan aurretik instalatuta egon ohi da. Hala ez bada, egoitza erabili nahi duen edozein pertsona edo erakunderen nabigatzaile/javan instalatu behar da. (Ez da beharrezkoa zerbitzu guztietan, baina oharrak saihesteko aholkatzen dugu).

39. . Zenbateko indarraldia dute ziurtagiri digitalek?

    Indarraldia ziurtagiri motaren eta erakunde ziurtatzailearen araberakoa da. Kontsultatu erakunde ziurtatzailea edo ziurtagiriaren iraungitze-data; nabigatzaileko ziurtagiri biltegian kontsultatu ditzakezu datu horiek.

40. . Nire ziurtagiri digitala berritzea eskatu behar dut edo automatikoki egiten da hori?

    Erakunde ziurtatzailearen araberakoa da hori.

41. . Zein ziurtagiri digital onartzen ditu Egoitza Elektronikoak?

    Onartutako ziurtagirien zerrendan kontsultatu ditzakezu.

42. . Edozein ziurtagiri digital erabili al dezaket zerbitzu edo izapide bera egiteko?

    Ez. Pertsona Juridikoaren edo Erakundearen Ziurtagiriekin zerbitzu batzuk bakarrik erabili daitezke.

43. . Egoitza Elektronikoko zein zerbitzu edo izapidetan erabili dezaket Pertsona Juridikoaren Ziurtagiria?

     Gaur egun Pertsona Juridikoaren ziurtagiriarekin erabili daitezken zerbitzuak Pertsona juridiko edo ordezkariaren ziurtagiria izanez gero eskura daitezkeen zerbitzuen zerrendan kontsultatu daitezke.
    

44. . Ziurtagiri digital bat baino gehiago eduki al ditzaket?

    Bai. Ziurtagirien biltegian hainbat ziurtagiri pertsonal gorde ditzakezu. Izapideak egiterakoan ziurtagiri zuzena erabiltzen duzula egiaztatu behar duzu, hala ere, zeure burua identifikatzerakoan eta sinatzerakoan.

45. . Nola lortu dezaket ziurtagiri digital bat?

    ziurtagiria igortzen duen erakundearen arabera, izapideak ezberdinak izango dira; erakunde bakoitzaren webguneetan aurkituko duzu informazio gehiago. Probintzia guztietan lor daitezke FNMT-RCM ziurtagiriak edo DNIe, Egoitzaren izapideak egiteko baliagarriak izango direnak.

46. . Nola lor dezaket Diruaren eta Zerga Zigiluaren Fabrika Nazionala-Monetaren Errege Etxearen (FNMT-RCM) ziurtagiri bat?

    Ziurtagiria lortzeko gida bat irakurri dezakezu esteka honetan.

47. . Nola lortu dezaket IZENPE ziurtagiria?

    IZENPE webgunean kontsultatu dezakezu non lortu dezakezun ziurtagiria.

48. . Gizarte Segurantzaren zein erregistro bulegotan lortu dezaket pertsona fisikoentzako ziurtagiri digitala?

    Gizarte Segurantzaren erregistro bulegoen zerrenda kontsultatu dezakezu, pertsona fisikoentzako bakarrik.

49. . Zein zerbitzu edo izapidetan erabil dezaket DNI elektronikoa? Zergatik ez dit onartzen?

    Ziurtagiri digitalarekin sar zaitezkeen zerbitzuetan. DNI elektronikoa ondo instalatzeko eta erabiltzeko, badago baldintzak azaltzen dituen eta beharrezko driver-ak erabilgarri jartzen dituen web orri bat: http://www.dnielectronico.es/

50. . Zergatik ez dit uzten sartzen nire ziurtagiri digitalarekin?

    Ziurtagiria Gizarte Segurantzak onartuta dagoela, iraungita edo baliogabetuta ez dagoela eta bertako datuak Gizarte Segurantzaren datu-baseko identifikazio datuekin eta izen-abizenekin bat datozela egiaztatu behar da.

51. . Nire nabigatzaileak zer konfigurazio izan behar du nire ziurtagiri digitala Gizarte Segurantzaren Egoitza Elektronikoan erabili ahal izateko?

    Kontsultatu baldintza teknikoen atala; bertan, nabigatzaile desberdinentzako konfigurazio egokia dago zehaztuta.

52. . Nire ziurtagiria babes dezaket nabigatzailean?

    Ziurtagiri digitala bi eratara babes daiteke. Batetik, ziurtagiria txartel kriptografiko batean edo gailu seguru batean gordeta (DNI elektronikoaren ziurtagiria halako batean gordeta egongo da). Beste aukera ziurtagiria nabigatzailean gordetzea da, pasahitz baten bidez babestuta (instalatzean adierazi beharko da pasahitza).

53. . Nire ziurtagiria beste ordenagailu batean instalatuta erabil dezaket?

    Bai, ziurtagiria txartel kriptografiko batean gordeta baduzu, txartela beste ordenagailuan sartu besterik ez duzu egin behar. Ziurtagiria nabigatzailean gordeta edukiz gero, ziurtagiria fitxategi batera esportatu behar da eta, ondoren, beste ordenagailuaren nabigatzailean inportatu.

54. . Chrome edo Linux badut, nola deskarga ditzaket ziurtagiri digitalak?

    Ziurtagiria deskargatzeko prozesua ziurtagiria ematen duen erakundearen araberakoa da, eta horren arabera alda daiteke. Google Chrome erabiliz gero (Windows-en), ziurtagiria deskargatzeko prozesua Internet Explorer nabigatzailekoaren berdina da, ziurtagiriak leku berean baitaude. Kontsultatu ziurtagiri digitalak deskargatzeko argibideak ziurtagiria ematen duen erakundearen web orrian.

55. . Nola esporta eta inporta daitezke ziurtagiri digitalak? Badago horri buruzko eskulibururik?

    Hauek dira nabigatzaile desberdinetan eman beharreko pausoak.

    INTERNET EXPLOREREN INSTALATUTAKO ZIURTAGIRIAK ESPORTATU

    1. Windows-eko Konfigurazio-panela atalean sartu. Horretarako, jarraitu bide hau Hasierako Menua/Konfigurazioa/Kontrol Panela edo Hasierako Menua/Kontrol Panela, ordenagailuan duzun sistema eragilearen arabera.
    2. Egin klik Internet Aukerak ikonoan.
    3. Edukien fitxan, sakatu Ziurtagiriak botoian
    4. Aukeratu ziurtagiria eta sakatu "Esportatu" botoia. Ziurtagiria esportatzeko morroia irekiko da; sakatu Hurrengoa.
    5. Aukeratu "Ziurtagiria gako pribatuarekin esportatu" eta sakatu Hurrengoa.
    6. Aukeratu esportatzeko artxiboaren formatua.
    7. Sartu ziurtagiriaren gako pribatua. Gako hau ez zaio inori esan behar, isilpekoa izan behar baitu. Sakatu Hurrengoa.
    8. Sakatu Arakatu, bilatu ziurtagiria gorde nahi den karpeta, sartu fitxategiaren izena eta Gorde.
    9. Sakatu Hurrengoa.
    10. Sakatu Amaitu.
56. . Agiriak banatzeko arazoak: dagokion DNI elektronikoa sartu ondoren, nabigatzailera esportatu nahi diren ziurtagiriak pantailan agertzen dira; bi agertzen dira, bata benetakotasunari dagokiona eta bestea bereiz, eta hori ez da operatiboa.

    DNIe-ren ziurtagiriak ezin dira fitxategira esportatu. Segurtasun arrazoiengatik, euskarri fisikoa erabili behar da (DNIe txartela).

57. . Zergatik ezin dut formularioa, bete ondoren, fitxategi batean gorde gero eransteko?

    PDF formularioak inprimatzeko prestatuta daude. PDF (Adobe Reader) fitxategiak bistaratzeko doako bertsioak ez du formularioak gordetzen uzten. Ezaugarri hau Adobe Acrobat Pro bertsio profesionalean bakarrik dago. Bertsio hori ez baduzu, badira inprimakia eransteko beste modu batzuk:

    1. Formularioa bete ondoren inprimagailuan inprimatu eta inprimatutako dokumentua eskaneatu, gero bidaltzeko.
    2. QuickPDF bezalako doako software bat instalatuta, CutePDF-k PDF inprimagailu-driver bat instalatzeko aukera ematen du, formularioaren inprimaketaPDF fitxategi baten gainean sortzea ahalbidetuz. (PDF fitxategi berri hori erantsi beharko litzateke).
58. . Zer desberdintasun daude "sinadura elektronikoa"-ren eta "kodifikazio informatiko"-en artean, Gizarte Segurantzak igorritako ziurtagiri edo txosten baten benetakotasuna egiaztatu nahi dudanean?

    Kodifikazio informatikoak kode alfanumeriko batzuk dira, igorritako txostenaren datuetan eta algoritmo matematiko batean oinarritzen direnak. Sinadura elektronikoa, berriz, ziurtagiri digitalen erabileran oinarritzen da igorritako dokumentu osoaren laburpen elektronikoari soilik ziurtagiriaren jabeak duen klabe bat gehitzeko, horrekin sinatzen baita.

59. . Zergatik ezin dezaket Erregistro Elektronikoan izapide baten eskaera prozesua amaitu? Zergatik adierazten du prozesuak transmisioan errore bat gertatu dela?

    Baliteke dokumentuek 10 |Mb baino gehiago hartzea edo internet konexioarekin arazoren bat egotea.

60. . Ziurtagiria behar bezala instalatuta daukat, beste webguneetara sartu naiteke, baina egoitzaren ziurtagiria duten hainbat zerbitzu ezin ditut erabili

    Egiaztatu ziurtagiria Gizarte Segurantzak onartzen duela eta haren datuek bat egiten dutela identifikazio-datuekin. Izen-abizenek bat egin behar dute Gizarte Segurantzaren datu-basean gordeta daudenekin.

61. . Zergatik ez da sortzen eskatutako txostenaren deskarga fitxategia? Edo, zergatik agertzen da TXOSTEN BAT SORTZEN ARI DA esaten duen leiho bat?

    Ziurtagiri digitala duten zerbitzuetan, SMS zerbitzuetan edota erabiltzaile/pasahitzaren bidezko zerbitzuetan  "on line" sortzen diren txostenek  Egoitza Elektronikoan PDF formatua daukate eta zuzen ikusteko PDFrako bisore bat edukitzeaz gain, leihoak/erlaitzak onartu behar dira. Beraz, egiaztatu softwarea instalatuta dagoela eta agertzen diren elementuak blokeatzen dituzten programarik ez dagoela.
    
    Baliteke, bestela, PDF txostena nabigatzailearen deskarga-karpetan egotea. Hala bada, egiaztatu aipatu karpeta.

62. . Zergatik agertzen da mezu hau: "Kontuz! 1. orrialdean gertatu da. Mesedez, egiaztatu eskaerako datuak. Zuzenak badira, sinatu eskaera; zuzenak ez badira, itzuli aurreko pantailara datuok zuzentzeko" datuak zuzenak badira?

    Izapide batzuk betetzerakoan mezu hori agertu daiteke erabiltzaileak datuak egiaztatu ditzan, sinatu eta bidali aurretik.

63. . Zer ekintza jakinarazten dira telematikoki?

    Gizarte Segurantzaren Diruzaintza Nagusiaren diru-bilketako kudeaketa ekintza hauek jakinarazten dira telematikoki:

    • Zor erreklamazioak.
    • Premiamendu erabakiak.
    • Kenketa prozedura hastearen jakinarazpena.
    • Baterako diru-bilketako kuota eta kontzeptuengatiko eta beste errekurtso batzuengatiko premiamendu prozedurako ekintzak.
    • Gizarte Segurantzari ordaintzeko zorren atzeratze administrazio-prozeduren jarduerak.

    Pixkanaka, Gizarte Segurantzako jarduketa eta prozedura desberdinak sartuko dira, eta horiek jakinarazpen elektronikoko sistemara sartzeko datak Gizarte Segurantzaren Estatu Idazkaritzaren ebazpenen bidez finkatuko dira.

64. . Nola berma dezaket Gizarte Segurantzaren Egoitza Elektronikoan argitaratzen diren jakinarazpen guztiak jasotzen ditudala?

    Gomendagarria da gutxienez hamar egunez behin Egoitzara sartzea, jakinarazpen berriren bat dagoen ikusteko.

65. . Noiz jartzen dira martxan jakinarazpen telematikoaren ondorio juridikoak?

    Ondorio juridikoak jakinarazpena onartu/ukatu ondoren jarriko dira martxan, onarpena edo ukapena enpresak, RED sistemako baimenduak edo ahaldunak egiten duen kontuan hartu gabe; edo bestela, automatikoki baliogabetzen denean, 10 eguneko epean bere edukira ez sartzeagatik.

66. . Beste pertsona batzuen ordez jardun gaitezke?

    Pertsona batek ezin du beste enpresa edo herritar baten izenean formalizatu Jakinarazpen Telematikoetarako Harpidetza Zerbitzua, baina hartzaile gisa jardun dezake. Ahalduntze Telematikoaren Erregistro Elektronikoaren (REAT) bidez, jakinarazpenak elektronikoki jasotzeko ahalmena eman dakioke beste pertsona bati. Dena den, ahalduntze hori pertsona fisiko edo juridiko bakar bati eman ahal izango zaio.

67. . Nola jokatu behar da arazo teknikoren bat izanez gero?

    Kontsultatu ohiko galderak. Arazoak bere horretan jarraitzen badu, deitu telefono zenbaki honetara: 901.50.20.50 (2 aukera)

68. . Arazoak ditut sinatzerako orduan

    Sinatzerako orduan arazoak badituzu, lehenik eta behin softwarearen baldintza teknikoak betetzen dituzula ziurtatu beharko duzu. Ondoren, ikus ezazu Sinadura elektronikoa erabiltzeko nabigatzaileen konfigurazioaren gidaliburua, hemen, beharrezkoa den konfigurazioa eta sinadura arazo ohikoenak azaltzen dira.

69. . Zer software behar dut nire jakinarazpenetara sartu eta sinatzeko?

    Sinatzeko prozesura sartzeko, Java gauzatze ingurune bakar bat instalatu behar da. Egiaztatu behar duzu ez dagoela bat baino gehiago instalatuta, izan ere, bertsioen arteko gatazkak sor litezke eta horrek aplikazioak ez funtzionatzea eragin lezake.

    Java gauzatze ingurune bertsio baliagarriak zein diren kontsulta dezakezu Gizarte Segurantzaren Egoitza Elektronikoko "Nire Jakinarazpenak"-eko "baldintza teknikoak" estekan.

70. . Nola izenda daiteke hirugarren bat jakinarazpen telematikoen hartzaile gisa?

    Ahalduntze Telematikoko Erregistro Elektronikoak (ATEE) hirugarren bati ahaldun dakizkiokeen prozedura eta kategoriak ezartzen ditu; besteak beste, jakinarazpen telematikoak jasotzea.

71. . Dagoeneko ziurtagiri digitala izanez gero, jakinarazpen telematikoak jasotzeko aurretiko beste izapiderik egin behar da?

    Jakinarazpen telematikora behartutako subjektu bat bada, ez du aurretiko beste izapiderik egin beharko. Hilabeteko epean, barne-hartze jakinarazpena jaso eta ondorengo egunetik zenbatuta, jakinarazpenak telematikoki jasotzen hasiko da.

    Jakinarazpen telematikora behartu gabeko subjektu bat bada, lehenengo, jakinarazpen mota hau jasotzeko berak nahi dituen prozeduretara harpidetu beharko du. Izen-emate hori Borondatezko Harpidetze Zerbitzuaren bidez egin dezake, Gizarte Segurantzaren Egoitza Elektronikoan.

72. . Jakinarazpenik badagoen egiaztatzean, testu hau agertzen da kontsulta pantailan: “Ez dago jakinarazpenik, baliteke zerbitzu honetan alta egin gabe egotea”. Zergatik?

    Mezu hori hiru arrazoirengatik ager daiteke:

    • Ez dago jakinarazpenik.
    • Jakinarazpena Egoitzan izateko 10 eguneko epea gainditu da.
    • Ez dago prozeduretara harpidetuta.
73. . Zenbat aldiz harpidetu eta baja egin dezake Borondatezko Harpidetze Zerbitzuko prozeduren ardura duen subjektuak?

    Interesdunak egunean eragiketa bakar bat egin ahal izango du, alta edo baja. Adibidez, prozedura zehatz batera harpidetuz gero, sistemak ez dio prozedura horretan baja egiten uzten ondorengo eguneko 00:00etara arte.

74. . Noiz hasten da Jakinarazten Telematikoak jasotzen, jakinarazpen sistema honetara borondatez harpidetuz gero, edo noiz uzten zaio horiek jasotzeari, zerbitzuan baja eginez gero?

    Harpidetzearen edo bajaren ondorioak interesdunak zerbitzuan izena emateko edo baja egiteko gestioa egiten duenetik 24 ordu igaro ondoren jarriko dira indarrean.

75. . Noiz gauzatuko da jakinarazpen telematikoko sistemaren bidez jakinarazpenak jasotzeko betebeharra?

    Hilabeteko epean, ebazpen bidez behartutakoari jakinarazpen elektronikoko sisteman sartu izanaren berri eman eta ondorengo egunetik zenbatzen hasita.

76. . Interesdunei oharren bat bidaliko zaie Egoitza Elektronikoan jakinarazpenak dituztela adieraziz?

    Gizarte Segurantzaren Diruzaintza Nagusiak, erabiltzaileekiko adeitasunez, oharrak bidaliko ditu Egoitza Elektronikoan jakinarazpenak izatearen berri emateko.

    Jakinarazpen telematikora behartutako subjektuentzat:

    • Enpresari mezu elektroniko bat bidaliko zaio helbide elektronikoa eman badu.
    • Ahaldun bat badago, hari ere mezu elektronikoa bidaliko zaio helbide elektronikoa eman badu.
    • Ahaldunik ez badago eta enpresak RED baimenduna jakinarazpen hartzaile izatetik kendu ez badu, hari Winsuite bidez iritsiko zaio oharra. RED Sistema Zuzenaren erabiltzaile izanez gero, bere RED postontzian ere jakinaraziko zaio.

    Beren borondatez jakinarazpen telematikora harpidetutako subjektuentzat:

    • Enpresari mezu elektroniko bat bidaliko zaio helbide elektronikoa eman badu.
    • Ahaldun bat badago, hari ere mezu elektronikoa bidaliko zaio helbide elektronikoa eman badu.

    Ohar hauek jasotzeko, enpresak eta ahaldunak Telefono bidezko Komunikazio Zerbitzuaren bitartez eta Posta Elektronikoaren bitartez beraiekin harremanetan jartzeko datuak eman beharko dituzte, Egoitza Elektronikoan edo Ahalduntze Telematikoko Erregistro Elektronikoan (REAT), hurrenez hurren.

    Garrantzitsua da enpresak bere datuak ematea eta ez RED baimendunarenak, izan ere, azken horrek beste bide batetik ere jasoko ditu Egoitzako jakinarazpenak.

77. . Dagoeneko Egoitza Elektronikoan eskuragarri ez dagoen jakinarazpen baten PDF dokumentua berreskuratzeko modurik badago?

    Egoitza Elektronikoan (SEDESS) jada sinatu ezin diren eta edukia ikusteko hamar egun naturaleko epea amaitu ostean bertan ez dauden jakinarazpenak Jakinarazpenen Historikoan kontsulta daitezke, hots, Jakinarazpenen kontsulta eta sinatura izeneko zerbitzuaren barruan.

    Jakinarazpenen Historikoan SEDESSen azken bi urteetan argitaratutako jakinarazpenak bilatu eta kontsultatu ahal izango dira soilik. Atal horretan, dokumentuak kontsultatu eta horien egoera zein den ikus daiteke soilik; ezin dira sinatu, beraz, jakinarazpen horiek eskuratuz gero, kontuan hartu ez dutela inolako ondorio juridikorik.

    Azken bi urteak baino lehenago jaso diren jakinarazpenei buruzko informazioa nahi izanez gero, Gizarte Segurantzako Administrazio batera joan beharko da.

78. . Ekipoak zer baldintza tekniko izan behar ditu jakinarazpenetara sartzeko eta sinatzeko?

    Sartu eta sinatzeko, ekipoan softwarearen baldintza teknikoak bete beharko dira, eta nabigatzailea behar bezala konfiguratuta eduki beharko da sinadura elektronikoaren funtzionalitateak erabiltzeko.

79. . Zenbat denbora egiten dute jakinarazpen elektronikoek Egoitza Elektronikoan, sinatzeko edo baztertzeko?

    Gizarte Segurantzaren Egoitza Elektronikoan jakinarazpena edo komunikazioa jartzen denetik, interesdunak 10 egun naturaleko epea izango du hori eskuratzeko. Epe hori igaro eta eduki hori eskuratu ez bada, baztertu egin dela ulertuko da, eta betetzat joko da jakinarazpen izapidea, eta prozedurarekin jarraituko da.

    Une horretatik aurrera, eta hurrengo bi urteetan zehar, Jakinarazpenen Historikoa izeneko atalean agertuko dira jakinarazpenak, hots, Jakinarazpenen kontsulta eta sinadura izeneko zerbitzuaren barruan. Atal horretan, dokumentuak kontsultatu eta horien egoera zein den ikus daiteke soilik; ezin dira sinatu, beraz, jakinarazpen horiek eskuratuz gero, kontuan hartu ez dutela inolako ondorio juridikorik.  

80. . Nola sar daiteke Jakinarazpen Telematikoen Borondatezko Harpidetze eta Kontsulta eta sinadura Zerbitzuetara?

    Bi zerbitzuak erabilgarri daude Gizarte Segurantzaren Egoitza Elektronikoan.

    Identifikatzeko, interesdunek Gizarte Segurantzaren Administrazioak onartutako ziurtagiri elektronikoak erabili ahal izango dituzte.

81. . Nola kontsultatu eta eskuratu ditzaket jakinarazpen telematikoak?

    Jakinarazpenak kontsultatzeko eta sinatzeko zerbitzuaren bidez, hartzaileek haien edukia kontsultatu eta sinatzeko aukera izango dute. Gizarte Segurantzaren Administrazioak jakinarazpen elektronikoak egingo ditu SEDESS-en agertzeko sistemaren bidez.

82. . Interesdunak zer prozeduratan eman dezake izena Borondatezko Harpidetze Zerbitzuaren bidez?

    Jakinarazpen Telematikoak jasotzeko bi prozedura daude. Prozedura bakoitza Gizarte Segurantza Sistemako erregimen eta sistema berezi zehatzei lotua dago.
    Hauek dira prozedurak:

    • RED
      
      -era behartutako Gizarte Segurantzaren erregimenak.

      RED-ERA BEHARTUTAKO GIZARTE SEGURANTZAREN ERREGIMENAK

      Erregimen Orokorra eta Sistema Bereziak	Erregimen Orokorra
      	Artistak
      	Fruituen, Barazkien eta Landare Kontserben Industriaren Sistema Berezia
      	Esportaziora bideratutako Tomate Freskoa Manipulatzeko eta Paketatzeko Sistema Berezia
      	Zinema, dantza eta jai aretoetako eta diskoteketako aldizkako Langile finkoen Sistema Berezia
      	Merkatu azterketak eta iritzi publikoaren azterketak egiten dituzten enpresetako aldizkako langile finkoen Sistema Berezia
      	Ostalaritzako Aparteko Zerbitzuak
      	Besteren Konturako Nekazaritzako Langileen Sistema Berezia
      Erregimen Bereziak
      	Langile Autonomoak
      	Itsasoa (besteren kontura)
      	Ikatz meatzaritza
      	Nekazaritzako enpresak (desagertua)
      Osasun laguntzako hitzarmena

      
      
    • RED-era behartu gabekoen Gizarte Segurantzaren Erregimenak
      
      
      

      RED-ERA BEHARTU GABEKO GIZARTE SEGURANTZAREN ERREGIMENAK

      Erregimen Orokorra eta Sistema Bereziak	Futboleko jokalariak (desagertua)
      	Trenbideetako langileak (desagertua)
      	Zezenketetako Profesionalak
      	Merkataritzako Ordezkariak
      	Nekazaritzako Sistema Berezia (jarduerarik ez)
      	Erretxina Industriaren Sistema Berezia
      	Etxeko Langileen Sistema Berezia
      Erregimen Bereziak
      	Etxea (finkoa/aldizkakoa, desagertua)
      	Nekazaritzakoa (besteren kontura  jarduerarik ez/norberaren kontura, desagertua)
      	Egileak eta Liburuen Idazleak
      	Itsasoa (norberaren kontura, jarduera uztea)
      	Nekazaritzako Langileen Sistema Bereziko Langile Autonomoak (SETA)
      Eskola Asegurua, Askotariko Errekurtsoak eta Hitzarmen Bereziak

      
      
83. . Nortzuk dira jakinarazpen telematikoen hartzaileak?

    Jakinarazpen sistema honetara behartutako subjektuen kasuan:

    Jakinarazpenak jasotzera behartutako subjektu arduradunari eta une bakoitzean Kotizazio Kontuaren Kode nagusiaren RED Sisteman edo NAF-en gestioa esleitua duen baimendunari bidaliko zaizkie. Hala ere, subjektu arduradunek jakinarazpen-hartzaile bakar izatea aukeratu ahal izango dute, RED Baimendunari funtzio hau kenduta, Gizarte Segurantzaren Egoitza Elektronikoan horretarako dagoen zerbitzuaren bidez.

    Bestalde, subjektu arduradunak nahi badu RED Baimenduna ez den hirugarren batek ere bere jakinarazpenak jasotzea, Ahalduntze Telematikoko Erregistro Elektronikoaren bidez egin ahal izango du gestioa, Egoitza Elektronikoan.

    Nolanahi ere, subjektu arduradunaz gain beste jakinarazpen-hartzaile bat bakarrik egon daiteke, RED Baimenduna edo ahalduna.

    Borondatez jakinarazpen telematikora harpidetutako subjektu baten kasuan:

    Subjektu arduradunak beti jasoko ditu jakinarazpenak. Subjektu arduradun horrek hirugarren batek ere bere jakinarazpenak jasotzea nahi badu, Ahalduntze Telematikoko Erregistro Elektronikoaren bidez (REAT) egin dezake gestioa, Egoitza Elektronikoan.

84. . Behartuta egon ez arren, jakinarazpenak elektronikoki jaso ditzaket?

    Arauz jakinarazpen telematikora behartuta ez dauden subjektuek beren borondatez aukera dezakete jakinarazpenak elektronikoki jasotzea, Borondatezko Harpidetze Zerbitzuaren bidez.

    ESS/485/2013 Agindua, martxoaren 26koa, Gizarte Segurantzaren esparruko jakinarazpen eta komunikazio elektronikoak arautzen dituena; horren bidez, indarrean jarri aurretik Borondatezko Harpidetze Zerbitzuaren bidez izena eman zuten behartutako subjektuek jakinarazpenak hala jasotzen jarraituko dute zerbitzu horretara harpidetuta jarraitzen duten bitartean, nahitaezko barne-hartzea gertatzen den arte.

85. . Nor dago jakinarazpenak elektronikoki jasotzera behartua?
    • Datuen Igorpen Elektronikoko (RED) Sisteman sartzera behartutako enpresak eta hiritarrak, Gizarte Segurantzaren esparruko Datuen Igorpen Elektronikoko Sistema arautzen duen martxoaren 26ko ESS/484/2013 Aginduan ezarritakoarekin bat etorriz. Berdin dio beren Kotizazio Kontuaren Kodeak altan edo bajan dauden:
      • Gizarte Segurantza Sistemaren edozein Erregimenetako enpresa guztiak; berdin dio zein jarduera duten eta zenbat langile dituzten.
      • Norberaren konturako langileak edo langile autonomoak, Norberaren Konturako Nekazaritzako Langileen Sistema Berezikoak izan ezik, RED Sistemaren bidez beren langileen datuak ematera behartuta dauden enpresari ere badirenak.
      • Erregimen Orokorreko Sistema Berezietako enpresak eta gainerako subjektu arduradunak, Etxeko Langileen Sistema Berezikoak izan ezik.
    • RED Sistemara behartuta egon gabe, beren borondatez sistema horretara atxiki diren enpresa eta hiritarrak, sistema horretan izena emanda jarraitzen duten bitartean.
86. . Zer da Jakinarazpen Telematikoen Zerbitzua?

    Orain arte posta arruntaren bidez jasotzen ziren jakinarazpenak online eskuratzeko balio du zerbitzu horrek.

87. . Nola komunika dezake interesdunak jakinarazpenak soilik berari helarazteko?

    Bi aukera daude:

    • Hartzaile gehigarria RED Baimenduna da
      
      Kasu horretan, RED Baimenduna Jakinarazpen Telematikoen hartzaile izatetik Kentzeko Zerbitzuaren bidez, jakinarazpenen hartzaile izatetik kendu ahal izango da.
      
    • Hartzaile gehigarria hirugarren bat da
      
      Kasu horretan, izapide honetarako ahalduntzea kendu beharko da Ahalduntze Telematikoko Erregistro Telematikoaren (REAT) bidez.
    
    RED Baimendunari funtzio hau kenduz gero eta, etorkizunean, berriro jakinarazpen hartzaile izendatu nahi izanez gero, Ahalduntze Telematikoko Erregistro Elektronikoaren bidez (REAT) egin beharko da izapidea.
88. . Zer da Zure Gizarte Segurantza?

    Zure Gizarte Segurantza Gizarte Segurantzaren Egoitza Elektronikoan dagoen gune bat da. Bertan, Gizarte Segurantzako Institutu Nazionalaren jarduera, prozedura eta zerbitzu guztiak biltzen dira. Biztanleak edo administrazio publikoak identifikatu egin behar dira haien artean izapideak elektronikoki egiteko.

89. . Zer behar dut Zure Gizarte Segurantzan sartzeko?

    Zure Gizarte Segurantzan sartu ahal izateko, aukera hauek dituzu:

    • DNI edo NIE zenbakia eta erabiltzaileak berak aukeratutako pasahitza. Pasahitz hori sortzeko, aurrez aurre erregistratu behar zara Cl@ve Erregistroan, Gizarte Segurantzaren, Zerga Administrazioko Estatu Agentziaren, Enplegu Zerbitzu Publikoaren edo Gobernuko Ordezkaritzen edozein bulegotan. Erregistroa egiteko, zure nortasun-agiria aurkezteaz gain, telefono mugikor zenbakia eta  helbide elektronikoa eman behar dituzu.
    • Onartutako ziurtagirien zerrendan ageri den edozein ziurtagiri digital.

    CL@VE erregistroa egiteko, AURRETIKO HITZORDUA eska dezakezu “Pentsioetarako eta bestelako Prestazioetarako Aurretiko Hitzordua”  zerbitzuaren bitartez, edo 901 10 65 70 telefonora deituz.

    Erregistroarekin eta cl@ve pasahitzarekin zerikusia duten arazo guztiak 060 telefonoan konponduko dizkizugu.

90. . Zer da Cl@ve erabiltzailea?

    Herritarrek zerbitzu publikoetara duten sarbide elektronikoa bateratu eta errazten du Cl@ve sistemak. Sistemaren helburu nagusia zera da: herritarrek aukera izan dezatela Administrazioaren aurrean identifikatzeko, aurretiaz emandako gakoak erabiliz (erabiltzaile-izena eta pasahitza), zerbitzu bakoitza erabiltzeko gako desberdina gogoratu beharrik gabe.

    Zure Gizarte Segurantzan sartzeko, cl@ve erabiltzaileak maila aurreratua izan behar du nahitaez. Horretarako, aurrez aurre erregistratu behar zara Gizarte Segurantzaren, Zerga Administrazioko Estatu Agentziaren, Enplegu Zerbitzu Publikoaren edo Gobernuko Ordezkaritzen edozein bulegotan; ziurtagiri digitala edo DNI elektronikoa ere erabil dezakezu Cl@ve webgunean erregistroa egiteko zerbitzuaren atalean.

91. . Ziurtagiri digitala erabil dezaket Zure Gizarte Segurantzan sartzeko?

    Zure Gizarte Segurantzan sartzeko, onartutako ziurtagirien zerrendan ageri den edozein ziurtagiri erabil dezakezu.

92. . Erabiltzaile eta pasahitza ditut, baina saioa ezin dudala hasi dio.

    Erabili nahi duzun cl@ve erabiltzaileak maila aurreratua duela ziurtatu behar duzu. Erabiltzaileak maila aurreratua izan dezan, aurrez aurre erregistratu behar izan zara Gizarte Segurantzaren, Zerga Administrazioko Estatu Agentziaren, Enplegu Zerbitzu Publikoaren edo Gobernuko Ordezkaritzen edozein bulegotan; ziurtagiri digitala edo DNI elektronikoa ere erabil dezakezu Cl@ve webgunean erregistroa egiteko zerbitzuaren atalean.

93. . Sartzean errorea ematen du

    Zure Gizarte Segurantza atarian sartzeko arazoak badituzu, baliteke bete  beharreko eskakizun teknikoengatik izatea, adibidez, ordenagailuan instalatuta dituzun nabigatzaileekin zerikusia dutenak. Eskakizun horiek kontsulta ditzakezu hemen: Egoitza Elektronikoa > Hasiera > Ohiko galderak > Konponbide Teknikoak. Bestela, posta elektronikoa bidal dezakezu Gizarte Segurantzaren Webguneko Kontsulten Postontzira, mezuaren gaian Laguntza Teknikoa jarrita.

94. . Zein zerbitzu ditut eskura Zure Gizarte Segurantzan?

    Egun, zerbitzu hauek dituzu Zure Gizarte Segurantzan:

    • Erretiratzeko aurreikus daitekeen adin arrunta zein den jakitea.
    • Modu arruntean erretiratzeko zenbat denbora falta den jakitea.
    • Ziurtatutako kotizazio-aldiei buruzko informazioa, prestazioak eskatu ahal izateko.
    • Pentsioari eta horren zenbatekoari buruzko informazioa, eta pentsioarekin zerikusia duten ziurtagiriak jasotzeko aukera.
    • Pentsiodun ez izatearen ziurtagiriak.
    • Titularrak edo haren onuradunek osasun-laguntza jasotzeko duten eskubidea aitortuta dagoen egiaztatzea, eta eskubide hori ziurtatzen duen dokumentua eskuratzea.
    • Pasahitza sortu eta aldatzea.
    • Europako Osasun-txartela (EOT) eskatzea eta zuk adierazitako helbidean jasotzea, eta behar izanez gero, EOT ordezkatzen duen Behin-behineko Ordezko Ziurtagiria (CPS) eskuratzea.
    • Aurretiaz aldi batez kotizatu izana eskatzen duten Europako herrialdeetan osasun-laguntza jasotzeko eskubidea izateko beharrezkoa den inprimakia eskuratzea.
    • Erretiro-simulagailua.
    • Osasun-laguntzan onuradunak gehitzea edo aurretiaz zegoen onura berreskuratzea.
    • Erretiroagatiko pentsioa eta heriotza eta biziraupenagatiko prestazioa.
    • Amatasunagatiko/aitatasunagatiko diru-laguntzen simulagailua.
    • Amatasunagatiko/aitatasunagatiko diru-laguntzen eskaera.
95. . Lan-bizitzako kotizazio-oinarrietan arazoak daudela dio

    Zure Gizarte Segurantzan, dagokizun erretiroagatiko pentsioa automatikoki kalkulatzen da. Hori dela eta, lan-bizitzako aldiren batean edo kotizazio-oinarriren batean zuzenketaren bat egin behar bada, edo eskuz adieraztea eskatzen duen erregimen bat ageri denean (artistak, toreatzaileak, merkataritza-ordezkariak, sistema bereziak etab.), programak ezin ditu kontuan hartu eta ezin du pentsioa kalkulatu. Horrek ez du esan nahi lan-bizitza oker dagoenik, ezta pentsioa benetan eskatzen duzunean kotizazio horiek kontuan hartuko ez direnik ere.

    Erretiro eguna gertu baduzu, Gizarte Segurantzako edozein arreta- edo informazio-zentrotan aurretiko hitzordua eskatu eta erretiroari buruz informa zaitezke.

96. . Klase Pasiboen erregimenean kotizatzen ari naiz, baina simulagailuak errore mezua eman dit, erretiratzeko data kalkulatu ezin duela esanez, egun Gizarte Segurantzan kotizatzen ez dudala arrazoituz

    Zure Gizarte Segurantzak ezin du atzitu Estatuko Klase Pasiboen Erregimenean egindako kotizazioei buruzko informazioa  (Estatuko Funtzionario Zibilen, Armadaren, Justizia Administrazioan lan egiten duten funtzionarioen eta abarren Erregimen Bereziak). Beraz, kasu horietan ezin da simulazioa egin.

    Gizarte Segurantzaren Sistemaren bitartez erretiroa eskatzen duzun unean, kotizazio horiek frogatu behar dituzu, kasu bakoitzean zerbitzua eman zen buruzagitzak igorritako ziurtagiri egokia aurkeztuta. Hala, kontuan hartuko dira frogatutako aldi horiek.

97. . Zein eragin du pentsioaren kalkuluan soldadutzak edo ordezko gizarte-zerbitzuak eta nola gehitu behar dut?

    Soldadutza edo ordezko gizarte-zerbitzuko aldiak erretiro aurreratuaren kasuan erabiltzen dira bakarrik, borondatezkoa izan zein ez, kotizazio-aldi zehatza osatzeko, eta betiere urtebeteko mugarekin. Hori dela eta, kotizazio hori behar-beharrezkoa denean bakarrik agertuko da soldadutza aldia adierazteko pantaila. Beharrezkoa ez den kasuetan, ez da zehaztu behar.

98. . Erretiro-simulagailuak ematen duen zenbatekoa gordina ala garbia al da?

    Kalkuluaren emaitza gordina, gutxi gorabeherakoa eta ez loteslea da. Hura kalkulatzeko, kotizazio-oinarriak, kotizazio-aldiak, adina eta egoera pertsonalak hartzen dira kontuan.

    Erretiroa eskatzen den unean, dagozkion IRPF atxikipenak aplikatuko zaizkio pentsioaren zenbatekoari, indarrean dagoen legediaren arabera, eta zure egoera pertsonala eta familiakoa kontuan hartuz.

99. . Nola betetzen ditu erretiro-simulagailuak pentsioaren oinarri arautzailean dauden hutsuneak?

    Zure Gizarte Segurantzan, dagokizun erretiroagatiko pentsioa automatikoki kalkulatzen da. Hori dela eta,  kotizatu gabeko aldiak daudenean eta arauaren arabera kontuan izan behar direnean, simulagailuak honako hau egiten du:

    Oinarri arautzailea kalkulatzeko hartuko den epean hilabeteak agertzen badira, zeinetan kotizatzea derrigorrezkoa ez zen, lehen 48 kuotak une bakoitzean dauden guztien gutxieneko oinarriarekin integratuko dira.

    Gainerako kuotak, berriz, aipatutako oinarri minimo horren %50arekin.