¿Seguro que quieres cerrar la sesión?
Va a abandonar el portal. Si se ha identificado con certificado le recomendamos que cierre su navegador
Contenido principal
Notificacións telemáticas < Volver
Entrada en vigor do novo Rexistro electrónico de apoderamentos da Seguridade Social
Con data 2 de abril de 2021 entrou en vigor a Orde ISM/189/2021, do 3 de marzo, pola que se regula o Rexistro electrónico de apoderamentos da Seguridade Social e, polo tanto, quedaron sen efecto todos os poderes outorgados con anterioridade a esta data.
Acceda a cubrir os novos modelos de poderes se aínda non o fixo.
Este servizo permite a xestión das notificacións de actos administrativos entre os Organismos ou Entidades da Seguridade Social e as empresas e cidadáns.
- Os actos ditados pola Tesourería Xeral da Seguridade Social en materia de inscrición de empresas, afiliación, altas, baixas e variacións de datos de traballadores, cotización, liquidación, recadación, sancións e impugnacións.
- As resolucións emitidas polo Instituto Nacional da Seguridade Social.
- Os actos e resolucións emitidos polo Instituto Social da Mariña.
Pode acceder ás súas Notificacións desde a app e web de A miña Carpeta Cidadá e desde o Enderezo Electrónico Habilitado único (DEHú)
A Orde ISM/903/2020, do 24 de setembro, pola que se regulan as notificacións e comunicacións electrónicas no ámbito da Administración da Seguridade Social, establece o marco normativo para a práctica de notificacións e comunicacións telemáticas pola Administración da Seguridade Social.
A Seguridade Social tamén ofrece unha canle adicional para facilitar a xestión de grandes volumes de notificacións. Esta canle está baseada na tecnoloxía de Servizos Web e permite aos usuarios autorizados a consulta e sinatura de Notificacións Telemáticas a través de sistemas de información de terceiros. O usuario final acepta ou rexeita as súas notificacións, non a través dos servizos ofrecidos pola Seguridade Social na súa Sede Electrónica senón a través dos sistemas de información existentes nas súas dependencias.
O acceso aos servizos habilitados para os usuarios na Sede Electrónica e tamén ao servizo web, pode realizarse cun certificado dixital, incluído na listaxe de certificados admitidos, se se cumpren ademais o resto de requisitos técnicos e se ten configurado o navegador para o uso de funcionalidades de sinatura electrónica.
O acceso aos servizos tamén pode efectuarse a través de Cl@ve permanente (nivel avanzado)*, que será reforzado con claves dun só uso enviadas por SMS pola Seguridade Social ao teléfono móbil do cidadán. Este sistema será, ademais o que permitirá o acceso á sinatura na nube.
Finalmente, se o acceso se realiza en nome propio, é dicir, se o que desexa é consultar e asinar unicamente as notificacións dirixidas ao seu nome, poderá acceder, ademais de cun certificado electrónico admitido ou clave permanente, con clave Móbil (nivel avanzado)*, e nese caso a sinatura realizarase co sistema de Sinatura sen Certificado.
As notificacións que conteñan datos persoais de categoría especial (como os relativos á saúde) só serán accesibles con certificado electrónico ou cl@ve permanente.
* Para poder utilizar o sistema Cl@ve e os servizos de sinatura na nube, os cidadáns deben rexistrarse previamente no sistema, ben de forma presencial nalgunha das oficinas de rexistro adheridas ao sistema, ou ben por internet, utilizando un certificado electrónico recoñecido.
Clases Pasivas
Revista de la Seguridad Social
Sistema RED/ Sistema de Liquidación Directa
Tu Seguridad Social
Tarjeta Social Digital
Web de la Seguridad Social
- ${title}${badge}