Ciudadanos

Contenido principal

Visor de contenido web

Acciones

Visor de contenido web

Acciones

Ardurapeko seme-alabagatiko familia-prestazioak < Itzuli

Jakinarazten dugu Bizitzeko Gutxieneko Diru-sarreraren Haurrentzako Laguntzaren osagarria ez dela zerbitzu honekin eskatzen. Eskaera egiteko, Bizitzeko Gutxieneko Diru-sarreraren zerbitzua erabili behar duzu.

Zerbitzu honekin, % 33ko edo hortik gorako desgaitasuna duen 18 urtetik beherako seme-alaba edo ardurapean hartutako adingabe bakoitzeko edo % 65eko edo hortik gorako desgaitasuna duen heldu bakoitzeko familia-prestazioak eska daitezke erregistro elektroniko bidez, bai aldizkako ordainketa dutenak, bai ordainketa bakarrekoak, jaiotzagatik/adopzioagatik, familia ugarien, guraso bakarreko familien eta desgaitasunak dituzten amen edo aiten kasuan; baita erditze edo adopzio anitzagatiko prestazioak ere.

Izapide honi buruz

Norentzat da

Gurasoentzat, adopzio-hartzaileentzat eta, hala badagokio, familia-harrera iraunkorreko erregimenean dauden adingabeak edo adoptatzeko helburuarekin adingabeak ardurapean dituztenentzat, baldin eta adingabe horiek % 33ko edo hortik gorako ezgaitasuna badute, edo adinekoak badira eta % 65eko edo hortik gorako ezgaitasuna badute; horiez gain, onuradunak izanik diruzko familia-prestazioren bat eskatu nahi duten pertsonentzat.

Zer ahalbidetzen du

Kasu bakoitzean dagokion eskaera egitea, Erregistro Elektroniko bidez:
1. % 33ko edo hortik goitiko ezgaitasuna duen 18 urtetik beherako ardurapeko seme-alabagatiko prestazioa edo helduentzako prestazioa, % 65eko edo gehiagoko ezgaitasuna badute.
2. Ardurapean dituzten adingabe edo seme-alaba bakoitzeko prestazioa (pertsona juridikoentzat)
3. Ardurapean dituzten adingabe edo seme-alaba bakoitzeko prestazioa (kasu bereziak)
  Inprimaki honetan kasu hauek barne hartzen dira:
  - 18 urte baino gehiagoko ezindua, judizialki ezindua ez dena eta bere guraso/adoptatzailearekin bizi ez dena.
  - Umezurtz absolutuak
  - Espainiatik kanpo bizi diren eta guraso-ahalaren beste titularra ez den pertsona batekin bizi diren seme-alabak
  - Emantzipatu gabeko adingabeak
4. Familia ugarien, guraso bakarreko familien eta desgaitasuna duten amen edo aiten kasuan, seme-alaba baten jaiotza edo adopzioagatiko prestazioa - Erditze edo adopzio anitza.
5. Seme-alaba edo ardurapean dituzten adingabe bakoitzeko familia-prestazioa (seme-alaba berria gehitzeko eskaera).
Eskaera eredu bat deskargatzea eta eranstea.
Dokumentazioa eranstea.

Zer behar da hori gauzatzeko

Eskaera eredua bete eta erantsi.
Ereduko argibideetan zehazten diren dokumentuen kopia erantsi.
Eskaera betetzea eta gordetzea ahalbidetzen duen software bat eduki, ondoren erantsi ahal izateko.
Beste norbaiten izenean jarduten ari bazara, ordezkatzeko eredu normalizatua (dokumentu erantsien atalean atzitu dezakezu) edo legez baliozkoa den beste edozein dokumentu erantsi beharko duzu ordezkaritza hori modu fidagarrian erregistratzeko.

Kontuan izan beharrekoa

Erabiltzaile-izena + Pasahitza (Cl@ve iraunkorra) erabiliz sartzen bazara, segurtasun-maila handiagoa bermatze aldera, erregistroan zehar emandako mugikor-zenbakira kode bat bidaliko dizugu SMS bidez. Kode hori sartu beharko duzu erregistro elektronikoan jakinarazpena sinatu ahal izateko.

Izapidearen probintzia eskaera bidaltzen duzun tokiaren araberakoa izango da.

Eskaera-eredua gehitzen ez denean bakarrik beteko da Oharrak atala.

Aldi baterako, konexio-saioa mugatu da, beraz, eskakizuna betetzen duzunean iraungiko balu, berriro hasi beharko duzu eta oraindik egin gabe dituzun jarduerak bukatu beharko dituzu.

Ordura arte prestazioa jasotzea galarazten zizun bateraezintasunik ez dagoela egiaztatzen duen dokumentazioa aurkeztu behar duzu.

Beste norbaiten izenean jarduten ari bazara, ordezkatzeko eredu normalizatua (dokumentu erantsien atalean atzitu dezakezu) edo legez baliozkoa den beste edozein dokumentu erantsi beharko duzu ordezkaritza hori modu fidagarrian erregistratzeko.

Erantsiko den dokumentazio guztiak ezingo du 10 Mb-eko tamaina gainditu.

Hurrengo pausoak

Izapidea burututakoan “jaso izanaren adierazpen” bat jasoko duzu PDF formatuan.

Baieztapen mezua ez baduzu jasotzen edo, horren ordez, transmisioaren akatsei edo hutsuneei buruzko mezu bat jasotzekotan beste momentu batean aurkeztu beharko duzu, edo beste bitarteko batzuk erabili beharko dituzu.

GSINak eskaeraren ebazpena bidaliko dio etxera interesdunari.

Zerbitzua erabili ahal izateko, begiratu zer baldintza tekniko bete behar diren.

El acceso a este servicio estarï¿½ habilitado ï¿½nicamente cuando se identifique como persona fï¿½sica o entidad

Obtener Acceso

Erantsitako dokumentazioa

Erantsitako dokumentazioa
dokumentuaren izena	Argitalpen data
Prestazio eskaria % 33ko edo gehiagoko desgaitasuna duen 18 urtetik beherako edota % 65eko edo gehiagoko esgaitasuna duen adin horretatik gorako ardurapeko seme-alabarengatik (PDF, 3674 Kb)	15/03/2023
Seme-alabak ardurapean izateagatiko prestazionaren (pertsona juridikoentzat) (PDF, 1817 Kb)	17/02/2020
Seme-alaba eta ardurapean hartutako adingabe bakoitzeko prestazioaren eskaera (Erabateko umezurtzak. Adingabe emantzipatugabeak. Espainiatik kanpo bizi diren eta aita/ama edo adopzio-hartzailea ez den pertsonarekin bizi diren seme-alabak) (PDF, 2019 Kb)	29/12/2015
Familia ugarietan, guraso bakarrekoetan eta ama edo aita desgaitua duten familietan seme-alaba jaiotzeagatiko edo adoptatzeagatiko prestazio-eskaera - Erditze edo adopzio anizkoitza (PDF, 3251 Kb)	16/08/2023
Ardurapean hartutako adin txikiko edo seme-alaba bakoitzeko laguntzaren urteko diru-sarreren aitorpena (PDF, 952 Kb)	29/12/2015
Seme-alaba gehiago barne hartzeko eskaera (Seme-alaba edota ardurapeko adingabea zaintzeko familia-prestazioa) (PDF, 3502 Kb)	24/02/2020
Seme-alaba edo ardurapeko adingabea zaintzeagatiko familia-prestazioetan izaten diren aldaketen berri ematea (helbidea, banku-erakundea, gurasoen arteko bizikidetza, etab.) (PDF, 702 Kb)	17/03/2023
Aurkezpen eredu normalizatua (PDF, 2387 Kb)	29/03/2022