A quen vai dirixido

A beneficiarios da formación profesional marítima e sanitaria que imparte o Instituto Social da Mariña, que realizasen en calquera dos nosos centros un curso e teñan dereito a reembolso de gastos de desprazamento/aloxamento/manutención consonte o establecido na lexislación vixente.

Que permite realizar

• Realizar unha solicitude por Rexistro Electrónico.
• Descargar e achegar cuberto o modelo de solicitude.
• Anexar documentación.

Que necesita para realizalo

• Cubrir e anexar o modelo de solicitude.
• Anexar copia dos documentos que se detallan nas súas instrucións.
• Dispoñer dun soporte lóxico que permita cubrir e gardar a solicitude para posteriormente anexala.

Hai que ter en conta

Se accede con Usuario + Contrasinal (Cl@ve permanente), para garantir un maior nivel de seguridade, enviaráselle un código vía SMS ao número de móbil que declarase durante o acto do rexistro, código que deberá introducir para poder asinar a comunicación no rexistro electrónico.

A Dirección Provincial do Instituto Social da Mariña correspondente requiriralle os orixinais dos documentos que foren necesarios.

Para actuar en nome dun terceiro deberá ter un apoderamento inscrito no Rexistro Electrónico de Apoderamentos que lle permita realizar este trámite. Se carece de apoderamento vixente no citado rexistro, deberá acreditar a representación anexando o modelo normalizado de representación que pode descargar para cubrilo no apartado “documentación anexa”, ou ben achegar calquera outro documento válido en dereito que deixe constancia fidedigna desta.

O tamaño total da documentación que se vai anexar non deberá superar os 10 Mb.

Próximos pasos

Unha vez realizado o trámite recibirá unha “notificación de recibo” en formato PDF.

Se non recibe a mensaxe de confirmación ou, conforme o caso, recibe unha mensaxe de erro ou deficiencia da transmisión, deberá realizarse a presentación noutro momento ou utilizar outros medios.

Resolución da solicitude e notificación desta ao interesado e, conforme o caso, ao seu representante. Ingreso do importe dos gastos que correspondan na conta que figure na solicitude.

SMS informando que a resolución se produciu.

Pode obter información da evolución da súa solicitude na Dirección Provincial ou Local do Instituto Social da Mariña.