Ciudadanos

Contenido principal

Visor de contenido web

Asistencia sanitaria para migrantes en estancia temporal en España < Volver

Pode solicitar asistencia sanitaria se é traballador e/ou pensionista, español de orixe, residente no estranxeiro, e vai realizar unha viaxe a España; tanto para vostede coma para os familiares que o acompañen. Así mesmo, pódea solicitar para os familiares que o vaian acompañar, se vostede ten subscrito un Convenio Especial ou é pensionista da Seguridade Social española, residente no estranxeiro.

Acerca deste trámite

A quen vai dirixido

Tanto os traballadores e/ou pensionistas, españois de orixe, residentes no estranxeiro e familiares que os acompañen nos seus desprazamentos temporais a España, como os familiares dos pensionistas e/ou subscritores de Convenio Especial (asimilados á alta) da Seguridade Social española residentes no estranxeiro, que os vaian acompañar nos seus desprazamentos temporais a España.

Que permite realizar

Presentar por Rexistro Electrónico unha solicitude de asistencia sanitaria para migrantes en estancia temporal en España.
Descargar e anexar o modelo de solicitude.
Anexar documentación.

Que necesita para realizalo

Dispoñer dun software que lle permita cumprimentar a solicitude e gardala para poder anexala.
Cubrir e anexar o modelo de solicitude.
Anexar copia dos documentos que se detallan nas instrucións deste.

A ter en conta

Se accede con Usuario + Contrasinal (Cl@ve permanente), para garantir maior nivel de seguridade, enviaráselle un código vía SMS ao número de móbil que declarase durante o acto do rexistro, código que deberá introducir para poder asinar a comunicación no rexistro electrónico.

Se actúa como representante, deberá anexar o modelo normalizado de representación, que figura no apartado documentación adxunta, ou calquera documento válido en dereito que deixe constancia fidedigna da representación.

No caso de apoderados, deberán estar inscritos no Rexistro Electrónico de Apoderamentos.

Tamén pode presentar a súa solicitude a través da plataforma Solicitude e Trámites de Prestacións da Seguridade Social, se non dispón de ningún sistema de identificación electrónica.

A provincia de trámite é aquela na que estará durante a súa estancia temporal en territorio nacional. Se vai estar en varias, elixa unha delas.

A sesión de conexión está limitada temporalmente, polo que se esta caduca mentres cumprimenta a solicitude deberá volver iniciala e rematar as actuacións que teña pendentes.

O tamaño total da documentación que hai que anexar non pode superar os 10 Mb.

Próximos pasos

Unha vez realizado o trámite recibirá unha “notificación de recibo” en formato PDF.

Se non recibe a mensaxe de confirmación ou, se no seu caso, recibe unha mensaxe de erro ou deficiencia da transmisión, deberá realizarse a presentación noutro momento ou utilizar outros medios.

Por parte do INSS enviarase ao correo electrónico do interesado a acreditación do dereito.

Para acceder a este servizo comprobe os requisitos técnicos necesarios.

O acceso a este servizo estará habilitado unicamente cando se identifique como persoa física ou entidade

Obtener Acceso

Documentación adxunta

Documentación adxunta
nome do documento	Data de publicació
Asistencia sanitaria para migrantes en estadía temporal en España (PDF, 3802 Kb)	28/08/2024
Modelo normalizado de representación (PDF, 2387 Kb)	29/03/2022