A quen vai dirixido

A empresas do sector marítimo pesqueiro, confrarías de pescadores, cooperativas de armadores ou corporacións do sector marítimo pesqueiro e ás corporacións con implantación no sector marítimo pesqueiro que desexen solicitar a organización dun curso de formación profesional marítima e sanitaria, ao abeiro do establecido na disposición adicional primeira do Real Decreto 292/2018, do 18 de maio, polo que se regula o procedemento de acceso e o réxime de prestación da formación profesional marítima e sanitaria do Instituto Social da Mariña.

Que permite realizar

• Presentar unha solicitude por Rexistro Electrónico.
• Descargar e achegar cuberto un modelo de solicitude.
• Anexar documentación.

Que necesita para realizalo

•  
• Cumprir e anexar o documento de solicitude Excel que ten dispoñible para a súa descarga no apartado “5.  Documentos que se presentan coa solicitude” do Formulario de Rexistro.
• Anexar documentación que acredite que os traballadores e/ou asociados cumpren os requisitos establecidos para poder cursar o tipo de curso solicitado.
• Dispoñer dun software que permita cubrir e gardar o documento de solicitude Excel para posteriormente anexalo.

Hai que ter en conta

Se accede con Usuario + Contrasinal (Cl@ve permanente), para garantir un maior nivel de seguridade, enviaráselle un código SMS ao número de móbil que declarase durante o acto do rexistro, código que deberá introducir para poder asinar a comunicación no Rexistro Electrónico.

A Dirección Provincial do Instituto Social da Mariña correspondente requiriralle os orixinais dos documentos que foren necesarios.

Para actuar en representación dun terceiro deberá ter un apoderamento inscrito no Rexistro Electrónico de Apoderamentos que lle permita realizar este trámite. Se carece dun apoderamento inscrito no citado rexistro, deberá acreditar a representación achegando un documento válido en dereito que deixe constancia fidedigna desta.

O tamaño total da documentación que se vai anexar non deberá superar os 10 Mb.

Próximos pasos

Unha vez realizado o trámite recibirá unha "notificación de recibo" en formato PDF.

Se non recibe a mensaxe de confirmación ou, conforme o caso, recibe unha mensaxe de erro ou deficiencia da transmisión, deberá realizarse a presentación noutro momento ou utilizar outros medios.

Resolución da solicitude e notificación desta ao interesado e, conforme o caso, ao seu representante.

SMS informando que a resolución se produciu.

Pode obter información da evolución da súa solicitude na Dirección Provincial ou Local do Instituto Social da Mariña.