Norentzat

Gizarte Segurantzako prestazioen titularren oinordekoak diren pertsonei.

Zer egitea ahalbidetzen du

• Eskaera bat Erregistro Elektroniko bidez egitea.
• Dokumentazioa erantsi.

Zer behar da hori gauzatzeko

Zerbitzura sartzeko inprimakian, idatzi eskaera egiteko ahalik eta informazio gehien.

Kontuan izan beharrekoa

Erabiltzaile-izena + Pasahitza (Cl@ve iraunkorra) erabiliz sartzen bazara, segurtasun-maila handiagoa bermatze aldera, erregistroan zehar emandako mugikor-zenbakira kode bat bidaliko dizugu SMS bidez. Kode hori sartu beharko duzu erregistro elektronikoan jakinarazpena sinatu ahal izateko.

Ereduan eskatzen diren datuak bete, bertan zehazten diren argibideei jarraiki.

Eskaera hau egiteko zein dokumentu erantsi behar diren jakiteko, sakatu inprimakian datorren “laguntza” botoia.

Erantsiko den dokumentazio guztiak ezingo du 5 Mb-eko tamaina gainditu.

Beste norbaiten izenean jarduten ari bazara, ordezkatzeko eredu normalizatua (dokumentu erantsien atalean atzitu dezakezu) edo legez baliozkoa den beste edozein dokumentu erantsi beharko duzu ordezkaritza hori modu fidagarrian erregistratzeko.

Hurrengo pausoak

Izapidea burututakoan “jaso izanaren adierazpen” bat jasoko duzu PDF formatuan.

Ez baduzu baieztapen mezurik edo, behar denean, transmisioaren errore edo akats mezurik jasotzen, aurkezpena beste une batean edo beste bide batzuk erabiliz gauzatu beharko duzu.

Gizarte Segurantzako Institutu Nazionalak eskaeraren ebazpena bidaliko dio etxera interesdunari.