Norentzat da

Gizarte Segurantzak onartutako prestazio baten titularrari dagozkion bankuko eta helbideko datuak aldatzeko baimena duten ordezkarientzat.

Zer ahalbidetzen du

Eskatu Erregistro Elektroniko bidez pentsioa jasotzeko bankuko datuak edo titularraren helbidea aldatzea.

Zer behar da hori gauzatzeko

Zerbitzura sartzeko inprimakian aldatu beharreko egoerei buruzko ahalik eta informazio gehien idatzi behar da.

Kontuan izan beharrekoa

Erabiltzaile-izena + Pasahitza (Cl@ve iraunkorra) erabiliz sartzen bazara, segurtasun-maila handiagoa bermatze aldera, erregistroan zehar emandako mugikor-zenbakira kode bat bidaliko dizugu SMS bidez. Kode hori sartu beharko duzu erregistro elektronikoan jakinarazpena sinatu ahal izateko.

Inprimakian eskatzen diren datuak bete, bertan zehazten diren argibideei jarraiki.

Beste norbaiten izenean jarduten ari bazara, ordezkatzeko eredu normalizatua (dokumentu erantsien atalean atzitu dezakezu) edo legez baliozkoa den beste edozein dokumentu erantsi beharko duzu ordezkaritza hori modu fidagarrian erregistratzeko.

Hurrengo pausoak

Izapidea egin ondoren "hartu-agiri" bat jasoko duzu (zip). Bertan aurkituko dituzu eskariaren ziurtagiria PDF formatuan eta transakzioa behar bezala gauzatu dela bermatzen duen zerbitzariko sinadura.

Ez baduzu baieztapen mezurik edo, behar denean, transmisioaren errore edo akats mezurik jasotzen, aurkezpena beste une batean edo beste bide batzuk erabiliz gauzatu beharko duzu.

Gizarte Segurantzako Institutu Nazionalak eskaeraren ebazpena bidaliko dio etxera interesdunari.