A quen vai dirixido

• Persoas xurídicas que teñen asignado un número de código de conta de cotización (CCC), calquera que sexa o Réxime ao que estean adscritas (Con certificado dixital).
   
• Persoas físicas que teñen asignado número de afiliación á Seguridade Social (NAF), calquera que sexa o Réxime ao que estean adscritas (Con certificado dixital ou Cl@ve permanente).

Que permite realizar

• Visualizar e consultar de forma inmediata un certificado xenérico que indica a situación/débeda do interesado, ademais de certificados específicos para os efectos de obtención de subvencións, participación nos procesos de concesión de contratos do sector público e para o suposto regulamentado no artigo 42 do Estatuto dos Traballadores nos casos de contratas e subcontratas.
• Descargalo en formato PDF.
• Imprimilo.

Hai que ter en conta

Se accede por Cl@ve con Cl@ve permanente, para garantir un maior nivel de seguridade neste servizo, a validación do acceso complementarase co envío dun código vía SMS ao número de móbil que declarase durante o acto do rexistro, código que deberá introducir para poder acceder.

Ao pé do certificado obtido figura o Código Electrónico de Autenticidade (CEA) co que pode comprobar  a autenticidade do certificado a través do Servizo de Verificación de Integridade Documental.