Norentzat da

Martxoaren 5eko PRE/646/2004 Aginduan eta Itsas Armadako Gizarte Institutuaren 2013ko apirilaren 24ko Ebazpenean araututako ikastaroak egin dituzten pertsonentzat. Agindu eta Ebazpen horiek berariazko osasun-prestakuntza eguneratzeko programen gutxieneko edukiei eta urrutiko osasun-prestakuntza espezifikoari buruzkoak dira, eta beren helburuen arabera bertan ezartzen diren proba teoriko praktikoak gainditu behar izan dituzte.

Hezkuntza-administrazio eskudunek emandako “Ontziko makinak eta instalazioak ikuskatzeko eta kontrolatzeko goi-mailako teknikaria” edo “Itsas nabigazioko, arrantzako eta garraioko goi-mailako teknikaria” edo horien baliokideak diren tituluen jabeek, bide horretatik, Hasierako Osasun Prestakuntza Espezifikoaren Ziurtagiria eskatu ahal izango dute.

Marina Zibileko Goi Mailako Ikasketa Zentroek edo Itsas Zibileko Fakultateek emandako tituluak edo horien baliokideak dituztenek, administrazio eskudunek luzatutakoak, bide horretatik Berariazko Osasun Prestakuntza Aurreratuaren Ziurtagiria eskatu ahal izango dute.

Ziurtagiri horiek aurrekoen izenean luzatzea eskatzen duten pertsona edo entitateentzat.

Zer ahalbidetzen du

• Eskaera bat Erregistro Elektroniko bidez egitea.
• Deskargatu eskaera eredua eta beteta erantsi.
• Dokumentazioa eranstea.

Zer behar da hori gauzatzeko

• Eskaera-eredua bete eta erantsi.
• Ereduko argibideetan zehazten diren dokumentuen kopia erantsi.
• Eskaera betetzea eta gordetzea ahalbidetzen duen software bat eduki, ondoren erantsi ahal izateko.

Kontuan izan beharrekoa

Martxoaren 5eko PRE/646/2004 Aginduaren bigarren eta hirugarren xedapen gehigarrietan xedatutakoaren arabera osasun-prestakuntzako ziurtagiri bat luzatzeko eskaera bada, eskaerarekin batera baliozkotu nahi den tituluaren kopia erantsi beharko da. Dagokion Itsasoko Gizarte Institutuaren zuzendaritza probintzialak dokumentuen originalak eskatuko ditu, beharrezkoak izanez gero.

Erabiltzaile-izena + Pasahitza (Cl@ve iraunkorra) erabiliz sartzen bazara, segurtasun-maila handiagoa bermatze aldera, erregistroan zehar emandako mugikor-zenbakira kode bat bidaliko dizugu SMS bidez. Kode hori sartu beharko duzu erregistro elektronikoan jakinarazpena sinatu ahal izateko.

Hirugarren baten izenean jarduteko, beharrezkoa da Ahalduntzen Erregistro Elektronikoan erregistratutako ahalduntze bat izatea, izapidea egin ahal izateko. Erregistro horretan indarrean dagoen ahalorderik ez badu, ordezkaritza egiaztatu beharko du, ordezkaritza-eredu normalizatua erantsiz. Eredu hori “erantsitako dokumentazioa” atalean deskarga daiteke, edo, bestela, ordezkaritza hori modu fidagarrian jasota uzten duen eta zuzenbidean baliozkoa den beste edozein dokumentu erantsi.

Erantsiko den dokumentazioak ezin du guztira 10 Mb baino gehiago izan.

Hurrengo pausoak

Izapidea burututakoan “jaso izanaren adierazpen” bat jasoko duzu PDF formatuan.

Ez baduzu baieztapen mezurik edo, behar denean, transmisioaren errore edo akats mezurik jasotzen, aurkezpena beste une batean edo beste bide batzuk erabiliz gauzatu beharko duzu.

Itsasoko Gizarte Institutuko zuzendaritza probintzialak igorriko du dagokion osasun prestakuntza espezifikoaren ziurtagiria.

Zure eskaeraren eboluzioari buruzko informazioa lor dezakezu Itsasoko Gizarte Institutuko Zuzendaritza Probintzialean edo Tokiko Zuzendaritzan.