Norentzat da?

Espainiar legeriak eta Gizarte Segurantzaren Erkidegoko Araudiek zehazten dituzten eskakizunak betetzen dituzten eta osasun-laguntzarako eskubidea duten titularrentzat eta haien kargura dauden onuradunentzat Europako Osasun Txartel baten titularrak izateko.

Zer ahalbidetzen du?

• Europako Osasun Txartela (EOT) eskatu edo berriztatzea osasun-laguntzaren eskubidearen titularrarentzat, baita honen onuradunentzat ere.

• Europar Osasun Txartelaren (EOT) egoera kontsultatu.

Zer behar da hori gauzatzeko?

• Inprimakiak eskatzen dizun informazioa bete eta Gizarte Segurantzaren datu-baseetan dagoen helbidea eguneratua izan beharko duzu, idazten duzunarekin bat etorri behar duelako. Langilearen/enpresaren helbide-aldaketako zerbitzuan helbidea eguneratu dezakezu langilea jardunean bazaude, edo Pentsiodunaren banku-datuak eta helbidea aldatu (Itsasoko Erregimen Berezia), pentsioduna bazara.

Kontuan hartu beharrekoak

EOT estatu hauetan erabil daiteke: Alemania, Austria, Belgika, Bulgaria, Zipre, Kroazia, Danimarka, Eslovakia, Eslovenia, Estonia, Finlandia, Frantzia, Grezia, Hungaria, Irlanda, Islandia, Italia, Letonia, Liechtenstein, Lituania, Luxenburgo, Malta, Norvegia, Herbehereak, Polonia, Portugal, Erresuma Batua, Txekiar Errepublika, Errumania, Suedia eta Suitza

Europako Osasun Txartelak (EOT) ez du balio bidaiaren arrazoia tratamendu medikoa jasotzea denean. Kasu horretan, Itsasoko Gizarte Institutuak (ISM) dagokion inprimakia igorri beharko du, Osasun Zerbitzuak aldeko txostena eman ondoren.

Informazio gehiago “Tratamendu mediko programatua” atalean.

Kasu batzuetan osasun-laguntzaren zenbateko edo ehuneko finko bat ordaindu beharko duzu, helmuga Estatuko asegurudunek dituzten baldintza berdinekin. Zenbateko hori ezin izango da itzuli.

Informazio gehiago nahi izanez gero, sartu webgune honetan: https://ec.europa.eu/social/main.jsp?catId=1021&langId=es

EOT jaso denetik han adierazten den iraungipen-datara arte balio du. EOT agiriak irauten duen bitartean berau jasotzeko bete behar diren baldintzak mantendu beharko ditu erabiltzaileak. Hala izan ezean, gastuak erreklamatu egin ahalko dira, okerreko prestazio kontzeptuagatik, 883/04 (EE) Araudiaren 76. artikuluak xedatzen duenarekin bat.

Asegurudun batzuek ezin dute EOT txartela Interneteko zerbitzu honen bidez eskuratu, adibidez honako hauek:

• Langabeziagatiko prestazioak jasotzen dituztenek eta haien onuradunek.
• Espainian bizi diren atzerritarrak izanik, osasun-laguntza jasotzeko eskubidea aitortuta duten asegurudunek, edota langabeziagatiko prestazioak agortu dituztenek.
• Erkidegokoa ez den nazionalitatea eta Atzerritarraren Identifikazio Zenbakia (AIZ) duten onuradunak, eta
• Osasun-laguntza jasotzeko eskubidea esportatzeko dokumentu jakin batzuk aurkeztu behar dituzten asegurudunek.

Azken kasu horretan, IGIko Probintziako edo Tokiko Zuzendaritzetara jo beharko da.

Hurrengo urratsak

Europako Osasun txartela bidaliko zaizu 5 egun baino gutxiagoko epean, Gizarte Segurantzaren datu-basean agertzen den helbidera.

Informazio osagarria Europako Atebide Digital Bakarra
Balorazio-plataformarako sarbidea