Ciudadanos

Contenido principal

Visor de contenido web

Presentación de informes médicos < Volver

Este servizo permite presentar por rexistro electrónico, en nome propio ou por representación doutra persoa, informes médicos actualizados, dirixidos ás Unidades Médicas do Instituto Nacional de Seguridade Social, en relación coas prestacións do sistema de Seguridade Social, agás os partes de confirmación e de alta médica da Incapacidade Temporal, que se deberán presentar a través do servizo “Xestión da prestación de incapacidade temporal”. No caso de Incapacidade Temporal iniciada no estranxeiro, tamén pode utilizarse para remitir os informes/partes médicos.

Acerca deste trámite

A quen vai dirixido

Aos que, en nome propio ou en representación doutra persoa, queiran presentar por rexistro electrónico informes médicos actualizados dirixidos ás Unidades Médicas do Instituto Nacional de Seguridade Social para a valoración da prestación solicitada, así como para presentar por rexistro electrónico informes/partes médicos actualizados para o recoñecemento dunha incapacidade temporal iniciada no estranxeiro.

En Cataluña a documentación deberá enviarse ao Servizo Catalán da Saúde (Instituto Catalán de Avaliacións Médicas), que é o órgano competente na Comunidade Autónoma.

Que permite realizar

Anexar informes médicos actualizados, dirixidos ao Instituto Nacional da Seguridade Social.

Que necesita para realizalo

Anexar os informes médicos que queira enviar.
Salientar no apartado “OBSERVACIÓNS” a prestación para a que achega os informes. Se se trata dunha incapacidade temporal iniciada no estranxeiro, deberá indicalo neste apartado.
Ter un expediente activo da prestación que se indicase en “OBSERVACIÓNS” na provincia do INSS á que dirixa os informes, agás no caso en que se solicite o recoñecemento dunha incapacidade temporal no estranxeiro.
Se actúa como representante, deberá achegar o modelo normalizado de representación, que figura no apartado documentación adxunta, ou calquera documento válido en dereito que deixe constancia fidedigna da representación.

Hai que ter en conta

Se accede con Usuario + Contrasinal (Cl@ve permanente), para garantir un maior nivel de seguridade, enviaráselle un código vía SMS ao número de móbil que declarase durante o acto do rexistro, código que deberá introducir para poder asinar a comunicación no rexistro electrónico.

A provincia de trámite indica a Dirección Provincial do Instituto Nacional da Seguridade Social á que vostede quere dirixir a súa documentación. No caso dunha Incapacidade Temporal iniciada no estranxeiro, a provincia de trámite será a do código de conta de cotización da empresa na que esteas de alta como traballador.

En Cataluña a documentación deberá enviarse ao Servizo Catalán da Saúde (Instituto Catalán de Avaliacións Médicas), que é o órgano competente na Comunidade Autónoma.

A sesión de conexión está limitada temporalmente, polo que se esta caduca mentres cubre a solicitude, deberá volver iniciala e terminar as actuacións que teña pendentes.

O tamaño total da documentación que se vai anexar non deberá superar os 10 Mb.

Próximos pasos

Unha vez realizado o trámite recibirá unha "notificación de recibo" en formato PDF.

Se non recibe a mensaxe de confirmación ou, se é o caso, recibe unha mensaxe de erro ou deficiencia da transmisión, deberá realizarse a presentación noutro momento ou utilizar outros medios.

Para acceder a este servizo comprobe os requisitos técnicos necesarios.

El acceso a este servicio estará habilitado únicamente cuando se identifique como persona física o entidad

Obtener Acceso

Documentación adxunta

Documentación adxunta
nome do documento	Data de publicació
Modelo normalizado de representación (PDF, 2387 Kb)	29/03/2022