Norentzat da

Bularreko haurra zaintzeko lanaldia ordu erdi murrizten duten langileentzat, haurrak bederatzi hilabete betetzen dituenetik hamabi hilabete bete arte.

Zer ahalbidetzen du

• Eskaera bat Erregistro Elektroniko bidez egitea.
• Eskaera eredu bat deskargatzea eta eranstea.
• Dokumentazioa eranstea.

Zer behar da hori gauzatzeko

• Eskaera eredua bete  eta erantsi.
• Ereduko argibideetan zehazten diren dokumentuen kopia erantsi.
• Eskaera betetzea eta gordetzea ahalbidetzen duen software bat eduki, ondoren erantsi ahal izateko.

Kontuan izan beharrekoa

Prestazioa jaso ahal izateko, jaiotzagatiko eta adingabeen zaintzagatiko prestaziorako ezarritako zehaztapen eta baldintza beretan bete behar dira betekizunak, eta bi gurasoek, adoptatzaileek, adoptatzeko helburua duten zaintzaileek edo hartzaile iraunkorrek lan egin behar dute eta lanaldia ordu erdi murriztuko dute, iraupen eta araubide berarekin.

Erabiltzaile-izena + Pasahitza (Cl@ve iraunkorra) erabiliz sartzen bazara, segurtasun-maila handiagoa bermatze aldera, erregistroan zehar emandako mugikor-zenbakira kode bat bidaliko dizugu SMS bidez. Kode hori sartu beharko duzu erregistro elektronikoan jakinarazpena sinatu ahal izateko.

Aldi baterako, konexio-saioa mugatu da, beraz, eskakizuna betetzen duzunean iraungiko balu, berriro hasi beharko duzu eta oraindik egin gabe dituzun jarduerak bukatu beharko dituzu.

Beste norbaiten izenean jarduten ari bazara, ordezkatzeko eredu normalizatua (dokumentu erantsien atalean atzitu dezakezu) edo legez baliozkoa den beste edozein dokumentu erantsi beharko duzu ordezkaritza hori modu fidagarrian erregistratzeko.

Erantsiko den dokumentazio guztiak ezingo du  10 Mb-eko tamaina gainditu.

Hurrengo pausoak

Izapidea burututakoan “jaso izanaren adierazpen” bat jasoko duzu PDF formatuan.

Baieztapen mezua ez baduzu jasotzen edo, horren ordez, transmisioaren akatsei edo hutsuneei buruzko mezu bat jasotzekotan  beste momentu batean aurkeztu beharko duzu, edo beste bitarteko batzuk erabili beharko dituzu.

Gizarte Segurantzako Institutu Nazionalak dagokion ebazpena hartuko duelarik, ebazpen hori interesdunaren eskura  jarriko da Jakinarazpen Telematikoen zerbitzuan. Interesdunak posta kanalari uko egin ez badio, ebazpen hau etxera bidaliko zaio.

Prestazioaren izapidea zein egoeratan dagoen kontsulta dezakezu zerbitzu hau erabiliz: Nola doa nire prestazioa?