Contenido principal

Osasun laguntza: Eskubide horri buruzko kontsulta eta horren ziurtagiriaren igorpena < Itzuli

Zerbitzu honen bidez, osasun-laguntza publikoa jasotzeko eskubidea egiaztatzen duen dokumentua kontsulta eta eskura daiteke. Identifikazio bidezko sarbideek (“Ziurtagiri digitala” edo “Cl@ve-erabiltzailea/pasahitza”) Zure Gizarte Segurantza atarira bideratuko zaituzte, autentifikatzeko.

Izapide honi buruz

Norentzat

Asegurudun edo asegurudun baten onuradun gisa, osasun-laguntza publikoa jasotzeko eskubiderik duten jakin nahi duten pertsonentzat.

Zer egitea ahalbidetzen du

  • Asegurudun izaera egiaztatzea, edo osasun-laguntza publikoa jasotzeko eskubidearen onuradunarena.
  • Osasun-laguntza publikoa jasotzeko eskubidea egiaztatzen duen dokumentua eskuratzea.

Zer behar da hori gauzatzeko

Identifikazioaren bitartez sartzen bazara, Zure Gizarte Segurantzara bideratuko zaitugu eta “Osasun-laguntza” atalaren barruan, “Ziurtagiria deskargatu” atalean egin beharko duzu klik.

Identifikatu gabe sartzen bazara, aplikazioak eskatzen dizun informazioa bete beharko duzu. Osasun-laguntza publikoa jasotzeko eskubidearen ziurtagiria eskuratu nahi baduzu, adierazi dagokion atalean.

Kontuan izan beharrekoa

Eskuratutako ziurtagiriak asegurudun edo onuradun gisa duzun eskubidea egiaztatzen du.

Identifikatu gabe sartzen bazara, zerbitzuak, kontsultatutako pertsonak honako egoera hauetako batean dagoen adieraziko du:

  • Osasun-laguntza jasotzeko eskubidea duzu, asegurudun edo onuradun gisa. Hala izanez gero, dagokizun ziurtagiria eskura dezakezu.
  • Kontsultatutako pertsona aurkitzen ez bada, horren arrazoiak adieraziko dira, eta kasu bakoitzean zer egin behar den azalduko da.

Hurrengo pausoak

Identifikatu gabe sartzen bazara, eskatutako datuak bete ondoren, erreferentzia zenbaki bat esleituko zaizu. Horrekin, zerbitzura sartu beharko duzu gutxienez 15 minutu itxaron ondoren, informazioa eskuratzeko. Dena den, zure helbide elektronikoa ematen baduzu, erantzuna bide horretatik ere jaso ahal izango duzu.

Informazioa zerbitzuan egongo da ikusgai 30 egunez, egiaztatu ahal izateko; horretarako, emandako erreferentzia zenbakia erabili beharko da.

Zerbitzua erabili ahal izateko, begiratu zer baldintza tekniko bete behar diren.

Zerbitzurako sarbidea

Complementary Content
${loading}